Other languages: EnglishHindiTamilMalayalamTelugu
ಸುಮಂಗಲಂ ಮಂಗಲಮೀಶ್ವರಾಯ ತೇ
ಸುಮಂಗಲಂ ಮಂಗಲಮಚ್ಯುತಾಯ ತೇ.
ಸುಮಂಗಲಂ ಮಂಗಲಮಂತರಾತ್ಮನೇ
ಸುಮಂಗಲಂ ಮಂಗಲಮಬ್ಜನಾಭ ತೇ.
ಸುಮಂಗಲಂ ಶ್ರೀನಿಲಯೋರುವಕ್ಷಸೇ
ಸುಮಂಗಲಂ ಪದ್ಮಭವಾದಿಸೇವಿತೇ.
ಸುಮಂಗಲಂ ಪದ್ಮಜಗನ್ನಿವಾಸಿನೇ
ಸುಮಂಗಲಂ ಚಾಶ್ರಿತಮುಕ್ತಿದಾಯಿನೇ.
ಚಾಣೂರದರ್ಪಘ್ನಸುಬಾಹುದಂಡಯೋಃ
ಸುಮಂಗಲಂ ಮಂಗಲಮಾದಿಪೂರುಷ.
ಬಾಲಾರ್ಕಕೋಟಿಪ್ರತಿಮಾಯ ತೇ ವಿಭೋ
ಚಕ್ರಾಯ ದೈತ್ಯೇಂದ್ರವಿನಾಶಹೇತವೇ.
ಶಂಖಾಯ ಕೋಟೀಂದುಸಮಾನತೇಜಸೇ
ಶಾರ್ಙ್ಗಾಯ ರತ್ನೋಜ್ಜ್ವಲದಿವ್ಯರೂಪಿಣೇ.
ಖಡ್ಗಾಯ ವಿದ್ಯಾಮಯವಿಗ್ರಹಾಯ ತೇ
ಸುಮಂಗಲಂ ಮಂಗಲಮಸ್ತು ತೇ ವಿಭೋ.
ತದಾವಯೋಸ್ತತ್ತ್ವವಿಶಿಷ್ಟಶೇಷಿಣೇ
ಶೇಷಿತ್ವಸಂಬಂಧನಿಬೋಧನಾಯ ತೇ.
ಯನ್ಮಂಗಲಾನಾಂ ಚ ಸುಮಂಗಲಾಯ ತೇ
ಪುನಃ ಪುನರ್ಮಂಗಲಮಸ್ತು ಸಂತತಂ.
