ಗಣಪತಿ ವಜ್ರ ಪಂಜರ ಕವಚ

ಮಹಾದೇವಿ ಗಣೇಶಸ್ಯ ವರದಸ್ಯ ಮಹಾತ್ಮನಃ .
ಕವಚಂ ತೇ ಪ್ರವಕ್ಷ್ಯಾಮಿ ವಜ್ರಪಂಜರಕಾಭಿಧಂ ..

ಓಂ ಅಸ್ಯ ಶ್ರೀಮಹಾಗಣಪತಿವಜ್ರಪಂಜರಕವಚಸ್ಯ . ಶ್ರೀಭೈರವ ಋಷಿಃ .
ಗಾಯತ್ರೀ ಛಂದಃ . ಶ್ರೀಮಹಾಗಣಪತಿ ದೇವತಾ . ಗಂ ಬೀಜಂ . ಹ್ರೀಂ ಶಕ್ತಿಃ .
ಕುರು ಕುರು ಕೀಲಕಂ . ವಜ್ರವಿದ್ಯಾದಿಸಿದ್ಧ್ಯರ್ಥೇ ಮಹಾಗಣಪತಿವಜ್ರಪಂಜರಕವಚಪಾಠೇ ವಿನಿಯೋಗಃ ..

ಶ್ರೀಭೈರವರ್ಷಯೇ ನಮಃ ಶಿರಸಿ . ಗಾಯತ್ರಚ್ಛಂದಸೇ ನಮೋ ಮುಖೇ .
ಶ್ರೀಮಹಾಗಣಪತಿದೇವತಾಯೈ ನಮೋ ಹೃದಿ . ಗಂ ಬೀಜಾಯ ನಮೋ ಗುಹ್ಯೇ .
ಹ್ರೀಂಶಕ್ತಯೇ ನಮೋ ನಾಭೌ . ಕುರು ಕುರು ಕೀಲಕಾಯ ನಮಃ ಪಾದಯೋಃ .
ವಜ್ರವಿದ್ಯಾದಿಸಿದ್ಧ್ಯರ್ಥೇ ಮಹಾಗಣಪತಿವಜ್ರಪಂಜರಕವಚಪಾಠೇ ವಿನಿಯೋಗಾಯ ನಮಃ ಸರ್ವಾಂಗೇ ..

ಗಾಂ ಅಂಗುಷ್ಠಾಭ್ಯಾಂ ನಮಃ . ಗೀಂ ತರ್ಜನೀಭ್ಯಾಂ ನಮಃ .
ಗೂಂ ಮಧ್ಯಮಾಭ್ಯಾಂ ನಮಃ . ಗೈಂ ಅನಾಮಿಕಾಭ್ಯಾಂ ನಮಃ .
ಗೌಂ ಕನಿಷ್ಠಿಕಾಭ್ಯಾಂ ನಮಃ . ಗಃ ಕರತಲಕರಪೃಷ್ಠಾಭ್ಯಾಂ ನಮಃ ..

ಗಾಂ ಹೃದಯಾಯ ನಮಃ . ಗೀಂ ಶಿರಸೇ ಸ್ವಾಹಾ . ಗೂಂ ಶಿಖಾಯೈ ವಷಟ್ .
ಗೈಂ ಕವಚಾಯ ಹುಂ . ಗೌಂ ನೇತ್ರತ್ರಯಾಯ ವೌಷಟ್ . ಗಃ ಅಸ್ತ್ರಾಯ ಫಟ್ ..

ವಿಘ್ನೇಶಂ ವಿಶ್ವವಂದ್ಯಂ ಸುವಿಪುಲಯಶಸಂ ಲೋಕರಕ್ಷಾಪ್ರದಕ್ಷಂ
ಸಾಕ್ಷಾತ್ಸರ್ವಾಪದಾಸು ಪ್ರಶಮನಸುಮತಿಂ ಪಾರ್ವತೀಪ್ರಾಣಸೂನುಂ .
ಪ್ರಾಯಃ ಸರ್ವಾಸುರೇಂದ್ರೈಃ ಸಸುರಮುನಿಗಣೈಃ ಸಾಧಕೈಃ ಪೂಜ್ಯಮಾನಂ
ಕಾರುಣ್ಯೇನಾಂತರಾಯಾಮಿತಭಯಶಮನಂ ವಿಘ್ನರಾಜಂ ನಮಾಮಿ ..

ಓಂ ಶ್ರೀಂ ಹ್ರೀಂ ಗಂ ಶಿರಃ ಪಾತು ಮಹಾಗಣಪತಿಃ ಪ್ರಭುಃ .
ವಿನಾಯಕೋ ಲಲಾಟಂ ಮೇ ವಿಘ್ನರಾಜೋ ಭ್ರುವೌ ಮಮ ..

ಪಾತು ನೇತ್ರೇ ಗಣಾಧ್ಯಕ್ಷೋ ನಾಸಿಕಾಂ ಮೇ ಗಜಾನನಃ .
ಶ್ರುತೀ ಮೇಽವತು ಹೇರಂಬೋ ಗಂಡೌ ಮೇ ಮೋದಕಾಶನಃ ..

ದ್ವೈಮಾತುರೋ ಮುಖಂ ಪಾತು ಚಾಧರೌ ಪಾತ್ವರಿಂದಮಃ .
ದಂತಾನ್ಮಮೈಕದಂತೋಽವ್ಯಾದ್ವಕ್ರತುಂಡೋಽವತಾದ್ರಸಾಂ ..

ಗಾಂಗೇಯೋ ಮೇ ಗಲಂ ಪಾತು ಸ್ಕಂಧೌ ಸಿಂಹಾಸನೋಽವತು .
ವಿಘ್ನಾಂತಕೋ ಭುಜೌ ಪಾತು ಹಸ್ತೌ ಮೂಷಕವಾಹನಃ ..

ಊರೂ ಮಮಾವತಾನ್ನಿತ್ಯಂ ದೇವಸ್ತ್ರಿಪುರಘಾತನಃ .
ಹೃದಯಂ ಮೇ ಕುಮಾರೋಽವ್ಯಾಜ್ಜಯಂತಃ ಪಾರ್ಶ್ವಯುಗ್ಮಕಂ ..

ಪ್ರದ್ಯುಮ್ನೋ ಮೇಽವತಾತ್ಪೃಷ್ಠಂ ನಾಭಿಂ ಶಂಕರನಂದನಃ .
ಕಟಿಂ ನಂದಿಗಣಃ ಪಾತು ಶಿಶ್ನಂ ವಿಶ್ವೇಶ್ವರೋಽವತು ..

ಮೇಢ್ರೇ ಮೇಽವತು ಸೌಭಾಗ್ಯೋ ಭೃಂಗಿರೀಟೀ ಚ ಗುಹ್ಯಕಂ .
ವಿರಾಟಕೋಽವತಾದೂರೂ ಜಾನೂ ಮೇ ಪುಷ್ಪದಂತಕಃ ..

ಜಂಘೇ ಮಮ ವಿಕರ್ತೋಽವ್ಯಾದ್ಗುಲ್ಫಾವಂತ್ಯಗಣೋಽವತು .
ಪಾದೌ ಚಿತ್ತಗಣಃ ಪಾತು ಪಾದಾಧೋ ಲೋಹಿತೋಽವತು ..

ಪಾದಪೃಷ್ಠಂ ಸುಂದರೋಽವ್ಯಾನ್ನೂಪುರಾಢ್ಯೋ ವಪುರ್ಮಮ .
ವಿಚಾರೋ ಜಠರಂ ಪಾತು ಭೂತಾನಿ ಚೋಗ್ರರೂಪಕಃ ..

ಶಿರಸಃ ಪಾದಪರ್ಯಂತಂ ವಪುಃ ಸಪ್ತಗಣೋಽವತು .
ಪಾದಾದಿಮೂರ್ಧಪರ್ಯಂತಂ ವಪುಃ ಪಾತು ವಿನರ್ತಕಃ ..

ವಿಸ್ಮಾರಿತಂ ತು ಯತ್ಸ್ಥಾನಂ ಗಣೇಶಸ್ತತ್ಸದಾಽವತು .
ಪೂರ್ವೇ ಮಾಂ ಹ್ರೀಂ ಕರಾಲೋಽವ್ಯಾದಾಗ್ನೇಯೇ ವಿಕರಾಲಕಃ ..

ದಕ್ಷಿಣೇ ಪಾತು ಸಂಹಾರೋ ನೈರೃತೇ ರುರುಭೈರವಃ .
ಪಶ್ಚಿಮೇ ಮಾಂ ಮಹಾಕಾಲೋ ವಾಯೌ ಕಾಲಾಗ್ನಿಭೈರವಃ ..

ಉತ್ತರೇ ಮಾಂ ಸಿತಾಸ್ಯೋಽವ್ಯಾದೈಶಾನ್ಯಾಮಸಿತಾತ್ಮಕಃ .
ಪ್ರಭಾತೇ ಶತಪತ್ರೋಽವ್ಯಾತ್ಸಹಸ್ರಾರಸ್ತು ಮಧ್ಯಮೇ ..

ದಂತಮಾಲಾ ದಿನಾಂತೇಽವ್ಯಾನ್ನಿಶಿ ಪಾತ್ರಂ ಸದಾಽವತು .
ಕಲಶೋ ಮಾಂ ನಿಶೀಥೇಽವ್ಯಾನ್ನಿಶಾಂತೇ ಪರಶುಸ್ತಥಾ .
ಸರ್ವತ್ರ ಸರ್ವದಾ ಪಾತು ಶಂಖಯುಗ್ಮಂ ಚ ಮದ್ವಪುಃ ..

ಓಂ ಓಂ ರಾಜಕುಲೇ ಹೌಂ ಹೌಂ ರಣಭಯೇ ಹ್ರೀಂ ಹ್ರೀಂ ಕುದ್ಯೂತೇಽವತಾತ್
ಶ್ರೀಂ ಶ್ರೀಂ ಶತ್ರುಗೃಹೇ ಶೌಂ ಶೌಂ ಜಲಭಯೇ ಕ್ಲೀಂ ಕ್ಲೀಂ ವನಾಂತೇಽವತು .
ಗ್ಲೌಂ ಗ್ಲೂಂ ಗ್ಲೈಂ ಗ್ಲಂ ಗುಂ ಸತ್ತ್ವಭೀತಿಷು ಮಹಾವ್ಯಾಧ್ಯಾರ್ತಿಷು ಗ್ಲೌಂ ಗಂ ಗೌಂ
ನಿತ್ಯಂ ಯಕ್ಷಪಿಶಾಚಭೂತಫಣಿಷು ಗ್ಲೌಂ ಗಂ ಗಣೇಶೋಽವತು ..

ಇತೀದಂ ಕವಚಂ ಗುಹ್ಯಂ ಸರ್ವತಂತ್ರೇಷು ಗೋಪಿತಂ .
ವಜ್ರಪಂಜರನಾಮಾನಂ ಗಣೇಶಸ್ಯ ಮಹಾತ್ಮನಃ ..

ಅಂಗಭೂತಂ ಮನುಮಯಂ ಸರ್ವಾಚಾರೈಕಸಾಧನಂ .
ವಿನಾನೇನ ನ ಸಿದ್ಧಿಃ ಸ್ಯಾತ್ಪೂಜನಸ್ಯ ಜಪಸ್ಯ ಚ ..

ತಸ್ಮಾತ್ತು ಕವಚಂ ಪುಣ್ಯಂ ಪಠೇದ್ವಾ ಧಾರಯೇತ್ಸದಾ .
ತಸ್ಯ ಸಿದ್ಧಿರ್ಮಹಾದೇವಿ ಕರಸ್ಥಾ ಪಾರಲೌಕಿಕೀ ..

ಯಂ ಯಂ ಕಾಮಯತೇ ಕಾಮಂ ತಂ ತಂ ಪ್ರಾಪ್ನೋತಿ ಪಾಠತಃ .
ಅರ್ಧರಾತ್ರೇ ಪಠೇನ್ನಿತ್ಯಂ ಸರ್ವಾಭೀಷ್ಟಫಲಂ ಲಭೇತ್ ..

ಇತಿ ಗುಹ್ಯಂ ಸುಕವಚಂ ಮಹಾಗಣಪತೇಃ ಪ್ರಿಯಂ .
ಸರ್ವಸಿದ್ಧಿಮಯಂ ದಿವ್ಯಂ ಗೋಪಯೇತ್ಪರಮೇಶ್ವರಿ ..

Ramaswamy Sastry and Vighnesh Ghanapaathi

Other stotras