ಗಜವದನ ಅಷ್ಟಕ ಸ್ತೋತ್ರಂ
ಗಜವದನ ಗಣೇಶ ತ್ವಂ ವಿಭೋ ವಿಶ್ವಮೂರ್ತೇ
ಹರಸಿ ಸಕಲವಿಘ್ನಾನ್ ವಿಘ್ನರಾಜ ಪ್ರಜಾನಾಂ .
ಭವತಿ ಜಗತಿ ಪೂಜಾ ಪೂರ್ವಮೇವ ತ್ವದೀಯಾ
ವರದವರ ಕೃಪಾಲೋ ಚಂದ್ರಮೌಲೇ ಪ್ರಸೀದ ..
ಸಪದಿ ಸಕಲವಿಘ್ನಾಂ ಯಾಂತಿ ದೂರೇ ದಯಾಲೋ
ತವ ಶುಚಿರುಚಿರಂ ಸ್ಯಾನ್ನಾಮಸಂಕೀರ್ತನಂ ಚೇತ್ .
ಅತ ಇಹ ಮನುಜಾಸ್ತ್ವಾಂ ಸರ್ವಕಾರ್ಯೇ ಸ್ಮರಂತಿ
ವರದವರ ಕೃಪಾಲೋ ಚಂದ್ರಮೌಲೇ ಪ್ರಸೀದ ..
ಸಕಲದುರಿತಹಂತುಃ ತ ಸ್ವರ್ಗಮೋಕ್ಷಾದಿದಾತುಃ
ಸುರರಿಪುವಧಕರ್ತ್ತುಃ ಸರ್ವವಿಘ್ನಪ್ರಹರ್ತ್ತುಃ .
ತವ ಭವತಿ ಕೃಪಾತೋಽಶೇಷಸಂಪತ್ತಿಲಾಭೋ
ವರದವರ ಕೃಪಾಲೋ ಚಂದ್ರಮೌಲೇ ಪ್ರಸೀದ ..
ತವ ಗಣಪ ಗುಣಾನಾಂ ವರ್ಣನೇ ನೈವ ಶಕ್ತಾ
ಜಗತಿ ಸಕಲವಂದ್ಯಾ ಶಾರದಾ ಸರ್ವಕಾಲೇ .
ತದಿತರಮನುಜಾನಾಂ ಕಾ ಕಥಾ ಭಾಲದೃಷ್ಟೇ
ವರದವರ ಕೃಪಾಲೋ ಚಂದ್ರಮೌಲೇ ಪ್ರಸೀದ ..
ಬಹುತರಮನುಜೈಸ್ತೇ ದಿವ್ಯನಾಮ್ನಾಂ ಸಹಸ್ರೈಃ
ಸ್ತುತಿಹುತಿಕರಣೇನ ಪ್ರಾಪ್ಯತೇ ಸರ್ವಸಿದ್ಧಿಃ .
ವಿಧಿರಯಮಖಿಲೋ ವೈ ತಂತ್ರಶಾಸ್ತ್ರೇ ಪ್ರಸಿದ್ಧಃ
ವರದವರ ಕೃಪಾಲೋ ಚಂದ್ರಮೌಲೇ ಪ್ರಸೀದ ..
ತ್ವದಿತರದಿಹ ನಾಸ್ತೇ ಸಚ್ಚಿದಾನಂದಮೂರ್ತ್ತೇ
ಇತಿ ನಿಗದತಿ ಶಾಸ್ತ್ರಂ ವಿಶ್ವರೂಪಂ ತ್ರಿನೇತ್ರ .
ತ್ವಮಸಿ ಹರಿರಥ ತ್ವಂ ಶಂಕರಸ್ತ್ವಂ ವಿಧಾತಾ
ವರದವರ ಕೃಪಾಲೋ ಚಂದ್ರಮೌಲೇಃ ಪ್ರಸೀದ ..
ಸಕಲಸುಖದ ಮಾಯಾ ಯಾ ತ್ವದೀಯಾ ಪ್ರಸಿದ್ಧಾ
ಶಶಧರಧರಸೂನೇ ತ್ವಂ ತಯಾ ಕ್ರೀಡಸೀಹ .
ನಟ ಇವ ಬಹುವೇಷಂ ಸರ್ವದಾ ಸಂವಿಧಾಯ
ವರದವರ ಕೃಪಾಲೋ ಚಂದ್ರಮೌಲೇ ಪ್ರಸೀದ ..
ಭವ ಇಹ ಪುರತಸ್ತೇ ಪಾತ್ರರೂಪೇಣ ಭರ್ತ್ತಃ
ಬಹುವಿಧನರಲೀಲಾಂ ತ್ವಾಂ ಪ್ರದರ್ಶ್ಯಾಶು ಯಾಚೇ .
ಸಪದಿ ಭವಸಮುದ್ರಾನ್ಮಾಂ ಸಮುದ್ಧಾರಯಸ್ವ
ವರದವರ ಕೃಪಾಲೋ ಚಂದ್ರಮೌಲೇ ಪ್ರಸೀದ ..
ಅಷ್ಟಕಂ ಗಣನಾಥಸ್ಯ ಭಕ್ತ್ಯಾ ಯೋ ಮಾನವಃ ಪಠೇತ್
ತಸ್ಯ ವಿಘ್ನಾಃ ಪ್ರಣಶ್ಯಂತಿ ಗಣೇಶಸ್ಯ ಪ್ರಸಾದತಃ ..
Recommended for you
ವೇಂಕಟಾಚಲಪತಿ ಸ್ತುತಿ
ಶೇಷಾದ್ರಿನಿಲಯಂ ಶೇಷಶಾಯಿನಂ ವಿಶ್ವಭಾವನಂ| ಭಾರ್ಗವೀಚಿತ್ತನಿಲಯ....
Click here to know more..ಪರಶುರಾಮ ಸ್ತೋತ್ರ
ಕರಾಭ್ಯಾಂ ಪರಶುಂ ಚಾಪಂ ದಧಾನಂ ರೇಣುಕಾತ್ಮಜಂ. ಜಾಮದಗ್ನ್ಯಂ ಭಜೇ ರ....
Click here to know more..ದುರ್ಗಾ ಸಪ್ತಶತೀ - ಅಧ್ಯಾಯ 8
ಓಂ ಋಷಿರುವಾಚ . ಚಂಡೇ ಚ ನಿಹತೇ ದೈತ್ಯೇ ಮುಂಡೇ ಚ ವಿನಿಪಾತಿತೇ . ಬಹು....
Click here to know more..
