ಗಣಪತಿ ಪಂಚಕ ಸ್ತೋತ್ರ
ಗಣೇಶಮಜರಾಮರಂ ಪ್ರಖರತೀಕ್ಷ್ಣದಂಷ್ಟ್ರಂ ಸುರಂ
ಬೃಹತ್ತನುಮನಾಮಯಂ ವಿವಿಧಲೋಕರಾಜಂ ಪರಂ.
ಶಿವಸ್ಯ ಸುತಸತ್ತಮಂ ವಿಕಟವಕ್ರತುಂಡಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಕುಮಾರಗುರುಮನ್ನದಂ ನನು ಕೃಪಾಸುವರ್ಷಾಂಬುದಂ
ವಿನಾಯಕಮಕಲ್ಮಷಂ ಸುರಜನಾಽಽನತಾಂಘ್ರಿದ್ವಯಂ.
ಸುರಪ್ರಮದಕಾರಣಂ ಬುಧವರಂ ಚ ಭೀಮಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಗಣಾಧಿಪತಿಮವ್ಯಯಂ ಸ್ಮಿತಮುಖಂ ಜಯಂತಂ ವರಂ
ವಿಚಿತ್ರಸುಮಮಾಲಿನಂ ಜಲಧರಾಭನಾದಂ ಪ್ರಿಯಂ.
ಮಹೋತ್ಕಟಮಭೀಪ್ರದಂ ಸುಮುಖಮೇಕದಂತಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಜಗತ್ತ್ರಿತಯಸಮ್ಮತಂ ಭುವನಭೂತಪಂ ಸರ್ವದಂ
ಸರೋಜಕುಸುಮಾಸನಂ ವಿನತಭಕ್ತಮುಕ್ತಿಪ್ರದಂ.
ವಿಭಾವಸುಸಮಪ್ರಭಂ ವಿಮಲವಕ್ರತುಂಡಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಸುವಾಂಛಿತಫಲರಪ್ರದಂ ಹ್ಯನುಪಮಂ ಸುರಾಧಾರಕಂ
ಜಗಜ್ಜಯಿನಮೇಕಲಂ ಮಧುರಮೋದಕಶ್ರೀಕರಂ.
ವಿಶಾಲಸುಭುಜಾಂತರಂ ವಿಮಲವಕ್ರತುಂಡಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಗಣೇಶನತಿಪಂಚಕಂ ಸರಸಕಾವ್ಯಶಿಕ್ಷಾಯುತಂ
ಲಭೇತ ಸ ತು ಯಃ ಸದಾ ತ್ವಿಹ ಪಠೇನ್ನರೋ ಭಕ್ತಿಮಾನ್.
ಕೃಪಾಂ ಮತಿಮು ಮುಕ್ತಿದಾಂ ಧನಯಶಃಸುಖಾಶಾದಿಕಂ
ಗಣೇಶಕೃಪಯಾ ಕಲೌ ನನು ಭವೇ ಸಭೋಗಾಮೃತಂ.
Recommended for you
ರಾಮ ಶರಣಾಗತಿ ಸ್ತೋತ್ರ
ವಿಶ್ವಸ್ಯ ಚಾತ್ಮನೋನಿತ್ಯಂ ಪಾರತಂತ್ರ್ಯಂ ವಿಚಿಂತ್ಯ ಚ. ಚಿಂತಯೇಚ....
Click here to know more..ಲಲಿತಾ ಸಹಸ್ರನಾಮ
ಅಸ್ಯ ಶ್ರೀಲಲಿತಾ ಸಹಸ್ರನಾಮ ಸ್ತೋತ್ರ ಮಹಾಮಂತ್ರಸ್ಯ ವಶಿನ್ಯಾದಿ ....
Click here to know more..ಆಶೀರ್ವಾದಕ್ಕಾಗಿ ಗಣಪತಿ ಮಂತ್ರ
ಓಂ ನಮಸ್ತೇ ಗಜವಕ್ತ್ರಾಯ ಹೇರಂಬಾಯ ನಮೋ ನಮಃ . ಓಂಕಾರಾಕೃತಿರೂಪಾಯ ....
Click here to know more..
