ಮಹಾಲಕ್ಷ್ಮೀ ಕವಚ

ಅಸ್ಯ ಶ್ರೀಮಹಾಲಕ್ಷ್ಮೀಕವಚಮಂತ್ರಸ್ಯ.
ಬ್ರಹ್ಮಾ-ಋಷಿಃ. ಗಾಯತ್ರೀ ಛಂದಃ.
ಮಹಾಲಕ್ಷ್ಮೀರ್ದೇವತಾ.
ಮಹಾಲಕ್ಷ್ಮೀಪ್ರೀತ್ಯರ್ಥಂ ಜಪೇ ವಿನಿಯೋಗಃ.
ಇಂದ್ರ ಉವಾಚ.
ಸಮಸ್ತಕವಚಾನಾಂ ತು ತೇಜಸ್ವಿಕವಚೋತ್ತಮಂ.
ಆತ್ಮರಕ್ಷಣಮಾರೋಗ್ಯಂ ಸತ್ಯಂ ತ್ವಂ ಬ್ರೂಹಿ ಗೀಷ್ಪತೇ.
ಶ್ರೀಗುರುರುವಾಚ.
ಮಹಾಲಕ್ಷ್ಮ್ಯಾಸ್ತು ಕವಚಂ ಪ್ರವಕ್ಷ್ಯಾಮಿ ಸಮಾಸತಃ.
ಚತುರ್ದಶಸು ಲೋಕೇಷು ರಹಸ್ಯಂ ಬ್ರಹ್ಮಣೋದಿತಂ.
ಬ್ರಹ್ಮೋವಾಚ.
ಶಿರೋ ಮೇ ವಿಷ್ಣುಪತ್ನೀ ಚ ಲಲಾಟಮಮೃತೋದ್ಭವಾ.
ಚಕ್ಷುಷೀ ಸುವಿಶಾಲಾಕ್ಷೀ ಶ್ರವಣೇ ಸಾಗರಾಂಬುಜಾ.
ಘ್ರಾಣಂ ಪಾತು ವರಾರೋಹಾ ಜಿಹ್ವಾಮಾಮ್ನಾಯರೂಪಿಣೀ.
ಮುಖಂ ಪಾತು ಮಹಾಲಕ್ಷ್ಮೀಃ ಕಂಠಂ ವೈಕುಂಠವಾಸಿನೀ.
ಸ್ಕಂಧೌ ಮೇ ಜಾನಕೀ ಪಾತು ಭುಜೌ ಭಾರ್ಗವನಂದಿನೀ.
ಬಾಹೂ ದ್ವೌ ದ್ರವಿಣೀ ಪಾತು ಕರೌ ಹರಿವರಾಂಗನಾ.
ವಕ್ಷಃ ಪಾತು ಚ ಶ್ರೀರ್ದೇವೀ ಹೃದಯಂ ಹರಿಸುಂದರೀ.
ಕುಕ್ಷಿಂ ಚ ವೈಷ್ಣವೀ ಪಾತು ನಾಭಿಂ ಭುವನಮಾತೃಕಾ.
ಕಟಿಂ ಚ ಪಾತು ವಾರಾಹೀ ಸಕ್ಥಿನೀ ದೇವದೇವತಾ.
ಊರೂ ನಾರಾಯಣೀ ಪಾತು ಜಾನುನೀ ಚಂದ್ರಸೋದರೀ.
ಇಂದಿರಾ ಪಾತು ಜಂಘೇ ಮೇ ಪಾದೌ ಭಕ್ತನಮಸ್ಕೃತಾ.
ನಖಾನ್ ತೇಜಸ್ವಿನೀ ಪಾತು ಸರ್ವಾಂಗಂ ಕರೂಣಾಮಯೀ.
ಬ್ರಹ್ಮಣಾ ಲೋಕರಕ್ಷಾರ್ಥಂ ನಿರ್ಮಿತಂ ಕವಚಂ ಶ್ರಿಯಃ.
ಯೇ ಪಠಂತಿ ಮಹಾತ್ಮಾನಸ್ತೇ ಚ ಧನ್ಯಾ ಜಗತ್ತ್ರಯೇ.
ಕವಚೇನಾವೃತಾಂಗನಾಂ ಜನಾನಾಂ ಜಯದಾ ಸದಾ.
ಮಾತೇವ ಸರ್ವಸುಖದಾ ಭವ ತ್ವಮಮರೇಶ್ವರೀ.
ಭೂಯಃ ಸಿದ್ಧಿಮವಾಪ್ನೋತಿ ಪೂರ್ವೋಕ್ತಂ ಬ್ರಹ್ಮಣಾ ಸ್ವಯಂ.
ಲಕ್ಷ್ಮೀರ್ಹರಿಪ್ರಿಯಾ ಪದ್ಮಾ ಏತನ್ನಾಮತ್ರಯಂ ಸ್ಮರನ್.
ನಾಮತ್ರಯಮಿದಂ ಜಪ್ತ್ವಾ ಸ ಯಾತಿ ಪರಮಾಂ ಶ್ರಿಯಂ.
ಯಃ ಪಠೇತ್ ಸ ಚ ಧರ್ಮಾತ್ಮಾ ಸರ್ವಾನ್ಕಾಮಾನವಾಪ್ನುಯಾತ್.