వేంకటేశ కవచం

అస్య శ్రీవేంకటేశకవచస్తోత్రమహామంత్రస్య బ్రహ్మా ఋషిః.
గాయత్రీ ఛందః. శ్రీవేంకటేశ్వరో దేవతా.
ఓం బీజం. హ్రీం శక్తిః. క్లీం కీలకం. ఇష్టార్థే వినియోగః.
ధ్యాయేద్వేంకటనాయకం కరయుగే శంఖం చ చక్రం ముదా
చాన్యే పాణియుగే వరం కటితటే విభ్రాణమర్కచ్ఛవిం.
దేవం దేవశిఖామణిం శ్రియమథో వక్షోదధానం హరిం
భూషాజాలమనేకరత్నఖచితం దివ్యం కిరీటాంగదం.
వరాహః పాతు మే శీర్షం కేశాన్ శ్రీవేంంకటేశ్వరః.
శిఖామిళాపతిః కర్ణో లలాటం దివ్యవిగ్రహః.
నేత్రే యుగాంతస్థాయీ మే కపోలే కనకాంబరః.
నాసికామిందిరానాథో వక్త్రం బ్రహ్మాదివందితః.
చుబుకం కామదః కంఠమగస్త్యాభీష్టదాయకః.
అంసౌ కంసాంతకః పాతు కమఠస్స్తనమండలే.
హృత్పద్మం పాత్వదీనాత్మా కుక్షిం కాలాంబరద్యుతిః.
కటిం కోలవపుః పాతు గుహ్యం కమలకోశభృత్.
నాభిం పద్మాపతిః పాతు కరౌ కల్మషనాశనః.
అంగులీర్హైమశైలేంద్రో నఖరానంబరద్యుతిః.
ఊరూ తుంబురుగానజ్ఞో జానునీ శంఖచక్రభృత్.
పాదౌ పద్మేక్షణః పాతు గుల్ఫౌ చాకాశగాంగదః.
దిశో దిక్పాలవంద్యాంఘ్రిర్భార్యాం పాండవతీర్థగః.
అవ్యాత్పుత్రాన్ శ్రీనివాసః సర్వకార్యాణి గోత్రరాట్.
వేంకటేశః సదా పాతు మద్భాగ్యం దేవపూజితః.
కుమారధారికావాసో భక్తాభీష్టాభయప్రదః.
శంఖాభయప్రదాతా తు శంభుసేవితపాదుకః.
వాంఛితం వరదో దద్యాద్వేంకటాద్రిశిఖామణిః.
శ్వేతవారాహరూపోఽయం దినరాత్రిస్వరూపవాన్.
రక్షేన్మాం కమలనాథః సర్వదా పాతు వామనః.
శ్రీనివాసస్య కవచం త్రిసంధ్యం భక్తిమాన్ పఠేత్.
తస్మిన్ శ్రీవేంకటాధీశః ప్రసన్నో భవతి ధ్రువం.
ఆపత్కాలే జపేద్యస్తు శాంతిమాయాత్యుపద్రవాత్.
రోగాః ప్రశమనం యాంతి త్రిర్జపేద్భానువాసరే.
సర్వసిద్ధిమవాప్నోతి విష్ణుసాయుజ్యమాప్నుయాత్.