Add to Favorites

Other languages: EnglishHindiTamilMalayalamKannada

విష్ణు అష్టోత్తర శతనామ స్తోత్రం

సశంఖచక్రం సకిరీటకుండలం
సపీతవస్త్రం సరసీరుహేక్షణం.
సహారవక్షస్థలకౌస్తుభశ్రియం
నమామి విష్ణుం శిరసా చతుర్భుజం.
అష్టోత్తరశతం నామ్నాం విష్ణోరతులతేజసః.
యస్య శ్రవణమాత్రేణ నరో నారాయణో భవేత్.
విష్ణుర్జిష్ణుర్వషట్కారో దేవదేవో వృషాకపిః.
దామోదరో దీనబంధురాది- దేవోఽదితేః సుతః.
పుండరీకః పరానందః పరమాత్మా పరాత్పరః.
పరశుధారీ విశ్వాత్మా కృష్ణః కలిమలాపహః.
కౌస్తుభోద్భాసితోరస్కో నరో నారాయణో హరిః.
హరో హరప్రియః స్వామీ వైకుంఠో విశ్వతోముఖః.
హృషీకేశోఽప్రమేయాత్మా వరాహో ధరణీధరః.
వామనో వేదవక్తా చ వాసుదేవః సనాతనః.
రామో విరామో విరతో రావణారీ రమాపతిః.
వైకుంఠవాసీ వసుమాన్ ధనదో ధరణీధరః.
ధర్మేశో ధరణీనాథో ధ్యేయో ధర్మభృతాం వరః.
సహస్రశీర్షా పురుషః సహస్రాక్షః సహస్రపాత్.
సర్వగః సర్వవిత్ సర్వశరణ్యః సాధువల్లభః.
కౌసల్యానందనః శ్రీమాన్ దక్షః కులవినాశకః.
జగత్కర్తా జగద్భర్తా జగజ్జేతా జనార్తిహా.
జానకీవల్లభో దేవో జయరూపో జలేశ్వరః.
క్షీరాబ్ధివాసీ క్షీరాబ్ధితనయావల్లభస్తథా.
శేషశాయీ పన్నగారివాహనో విష్టరశ్రవాః.
మాధవో మధురానాథో మోహదో మోహనాశనః.
దైత్యారిః పుండరీకాక్షో హ్యచ్యుతో మధుసూదనః.
సోమసూర్యాగ్నినయనో నృసింహో భక్తవత్సలః.
నిత్యో నిరామయః శుద్ధో నరదేవో జగత్ప్రభుః.
హయగ్రీవో జితరిపురుపేంద్రో రుక్మిణీపతిః.
సర్వదేవమయః శ్రీశః సర్వాధారః సనాతనః.
సౌమ్యః సౌఖ్యప్రదః స్రష్టా విశ్వక్సేనో జనార్దనః.
యశోదాతనయో యోగీ యోగశాస్త్రపరాయణః.
రుద్రాత్మకో రుద్రమూర్తీ రాఘవో మధుసూదనః.
ఇతి తే కథితం దివ్యం నామ్నామష్టోత్తరం శతం.
సర్వపాపహరం పుణ్యం విష్ణోరమితతేజసః.
దుఃఖదారిద్ర్యదౌర్భాగ్య- నాశనం సుఖవర్ధనం.
ప్రాతరుత్థాయ విప్రేంద్ర పఠేదేకాగ్రమానసః.
తస్య నశ్యంతి విపదాం రాశయః సిద్ధిమాప్నుయాత్.

 

Ramaswamy Sastry and Vighnesh Ghanapaathi

Other stotras

Copyright © 2022 | Vedadhara | All Rights Reserved. | Designed & Developed by Claps and Whistles
| | | | |
Active Visitors:
3342995