వేంకటేశ శరణాగతి స్తోత్రం
అథ వేంకటేశశరణాగతిస్తోత్రం
శేషాచలం సమాసాద్య కష్యపాద్యా మహర్షయః.
వేంకటేశం రమానాథం శరణం ప్రాపురంజసా|
కలిసంతారకం ముఖ్యం స్తోత్రమేతజ్జపేన్నరః.
సప్తర్షివాక్ప్రసాదేన విష్ణుస్తస్మై ప్రసీదతి|
కశ్యప ఉవాచ-
కాదిహ్రీమంతవిద్యాయాః ప్రాప్యైవ పరదేవతా.
కలౌ శ్రీవేంకటేశాఖ్యా తామహం శరణం భజే|
అత్రిరువాచ-
అకారాదిక్షకారాంతవర్ణైర్యః ప్రతిపాద్యతే.
కలౌ స వేంకటేశాఖ్యః శరణం మే రమాపతిః|
భరద్వాజ ఉవాచ-
భగవాన్ భార్గవీకాంతో భక్తాభీప్సితదాయకః|
భక్తస్య వేంకటేశాఖ్యో భరద్వాజస్య మే గతిః|
విశ్వామిత్ర ఉవాచ-
విరాడ్విష్ణుర్విధాతా చ విశ్వవిజ్ఞానవిగ్రహః.
విశ్వామిత్రస్య శరణం వేంకటేశో విభుస్సదా|
గౌతమ ఉవాచ-
గౌర్గౌరీశప్రియో నిత్యం గోవిందో గోపతిర్విభుః.
శరణం గౌతమస్యాస్తు వేంకటాద్రిశిరోమణిః|
జమద్గ్నిరువాచ-
జగత్కర్తా జగద్భర్తా జగద్ధర్తా జగన్మయః|
జమదగ్నేః ప్రపన్నస్య జీవేశో వేంకటేశ్వరః|
వసిష్ఠ ఉవాచ-
వస్తువిజ్ఞానమాత్రం యన్నిర్విశేషం సుఖం చ సత్.
తద్బ్రహ్మైవాహమస్మీతి వేంకటేశం భజే సదా|
ఫలశ్రుతిః-
సప్తర్షిరచితం స్తోత్రం సర్వదా యః పఠేన్నరః.
సోఽభయం ప్రాప్నుయాత్సత్యం సర్వత్ర విజయీ భవేత్|
ఇతి సప్తర్షిభిః కృతం శ్రీవేంకటేశశరణాగతిస్తోత్రం సంపూర్ణం.
Recommended for you
కాశీ పంచకం
మనోనివృత్తిః పరమోపశాంతిః సా తీర్థవర్యా మణికర్ణికా చ. జ....
Click here to know more..ఆత్మ తత్త్వ సంస్మరణ స్తోత్ర
ప్రాతః స్మరామి హృది సంస్ఫురదాత్మతత్త్వం సచ్చిత్సుఖం ప....
Click here to know more..అన్ని కోరికల నెరవేర్పు కోసం మంత్రం
పునస్త్వాదిత్యా రుద్రా వసవః సమింధతాం పునర్బ్రహ్మాణో వ....
Click here to know more..
