శ్రీనివాస ప్రాతఃస్మరణ స్తోత్రం

ప్రాతః స్మరామి రమయా సహ వేంకటేశం
మందస్మితం ముఖసరోరుహకాంతిరమ్యం .
మాణిక్యకాంతివిలసన్ముకుటోర్ధ్వపుండ్రం
పద్మాక్షలక్షమణికుండలమండితాంగం ..
ప్రాతర్భజామి కరరమ్యసుశంఖచక్రం
భక్తాభయప్రదకటిస్థలదత్తపాణిం .
శ్రీవత్సకౌస్తుభలసన్మణికాంచనాఢ్యం
పీతాంబరం మదనకోటిసుమోహనాంగం ..
ప్రాతర్నమామి పరమాత్మపదారవిందం
ఆనందసాంద్రనిలయం మణినూపురాఢ్యం .
ఏతత్ సమస్తజగతామపి దర్శయంతం
వైకుంఠమత్ర భజతాం కరపల్లవేన ..
వ్యాసరాజయతిప్రోక్తం శ్లోకత్రయమిదం శుభం .
ప్రాతఃకాలే పఠేద్యస్తు పాపేభ్యో ముచ్యతే నరః ..

Ramaswamy Sastry and Vighnesh Ghanapaathi

Other stotras