ఉరుక్రమముదుత్తమం హయముఖస్య శత్రుం చిరం
జగత్స్థితికరం విభుం సవితృమండలస్థం సురం.
భయాపహమనామయం వికసితాక్షముగ్రోత్తమం
హయాననముపాస్మహే మతికరం జగద్రక్షకం.
శ్రుతిత్రయవిదాం వరం భవసముద్రనౌరూపిణం
మునీంద్రమనసి స్థితం బహుభవం భవిష్ణుం పరం.
సహస్రశిరసం హరిం విమలలోచనం సర్వదం
హయాననముపాస్మహే మతికరం జగద్రక్షకం.
సురేశ్వరనతం ప్రభుం నిజజనస్య మోక్షప్రదం
క్షమాప్రదమథాఽఽశుగం మహితపుణ్యదేహం ద్విజైః.
మహాకవివివర్ణితం సుభగమాదిరూపం కవిం
హయాననముపాస్మహే మతికరం జగద్రక్షకం.
కమండలుధరం మురద్విషమనంత- మాద్యచ్యుతం
సుకోమలజనప్రియం సుతిలకం సుధాస్యందితం.
ప్రకృష్టమణిమాలికాధరమురం దయాసాగరం
హయాననముపాస్మహే మతికరం జగద్రక్షకం.
శరచ్ఛశినిభచ్ఛవిం ద్యుమణితుల్యతేజస్వినం
దివస్పతిభవచ్ఛిదం కలిహరం మహామాయినం.
బలాన్వితమలంకృతం కనకభూషణైర్నిర్మలై-
ర్హయాననముపాస్మహే మతికరం జగద్రక్షకం.
హిరణ్మయీ స్తోత్రం
క్షీరసింధుసుతాం దేవీం కోట్యాదిత్యసమప్రభాం| హిరణ్మయీం ....
Click here to know more..నామ రామాయణం
శుద్ధబ్రహ్మపరాత్పర రామ. కాలాత్మకపరమేశ్వర రామ. శేషతల్పస....
Click here to know more..లలితా సహస్ర నామ వివరణము - Part 2