జయ హరేఽమరాధీశసేవితం తవ పదాంబుజం భూరిభూషణం.
కురు మమాగ్రతః సాధుసత్కృతం త్యజ మహామతే మోహమాత్మనః.
తవ వపుర్జగద్రూపసంపదా విరచితం సతాం మానసే స్థితం.
రతిపతేర్మనో మోహదాయకం కురు విచేష్టితం కామలంపటం.
తవ యశోజగచ్ఛోకనాశకం మృదుకథామృతం ప్రీతిదాయకం.
స్మితసుధోక్షితం చంద్రవన్ముఖం తవ కరోత్యలం లోకమంగలం.
మమ పతిస్త్వయం సర్వదుర్జయో యది తవాప్రియం కర్మణాఽఽచరేత్.
జహి తదాత్మనః శత్రుముద్యతం కురు కృపాం న చేదీదృగీశ్వరః.
మహదహంయుతం పంచమాత్రయా ప్రకృతిజాయయా నిర్మితం వపుః.
తవ నిరీక్షణాల్లీలయా జగత్స్థితిలయోదయం బ్రహ్మకల్పితం.
భూవియన్మరుద్వారితేజసాం రాశిభిః శరీరేంద్రియాశ్రితైః.
త్రిగుణయా స్వయా మాయయా విభో కురు కృపాం భవత్సేవనార్థినాం.
తవ గుణాలయం నామ పావనం కలిమలాపహం కీర్తయంతి యే.
భవభయక్షయం తాపతాపితా ముహురహో జనాః సంసరంతి నో.
తవ జనుః సతాం మానవర్ధనం జినకులక్షయం దేవపాలకం.
కృతయుగార్పకం ధర్మపూరకం కలికులాంతకం శం తనోతు మే.
మమ గృహం సదా పుత్రనప్తృకం గజరథైర్ధ్వజైశ్చామరైర్ధనైః.
మణివరాసనం సత్కృతిం వినా తవ పదాబ్జయోః శోభయంతి కిం.
తవ జగద్వపుః సుందరస్మితం ముఖమనిందితం సుందరత్విషం.
యది న మే ప్రియం వల్గుచేష్టితం పరికరోత్యహో మృత్యురస్త్విహ.
హయవర భయహర కరహరశరణ- ఖరతరవరశర దశబలదమన.
జయ హతపరభర- భవవరనాశన శశధర శతసమర- సభరమదన.
నరసింహ స్తుతి
వృత్తోత్ఫుల్లవిశాలాక్షం విపక్షక్షయదీక్షితం. నినాదత్ర....
Click here to know more..గురు అష్టక స్తోత్రం
శరీరం సురూపం తథా వా కలత్రం యశశ్చారు చిత్రం ధనం మేరుతుల్....
Click here to know more..విజయం మరియు ప్రజాదరణ కోసం రాజమాతంగి మంత్రం
ఐం హ్రీం శ్రీం ఓం నమో భగవతి శ్రీమాతంగేశ్వరి సర్వజనమనోహ....
Click here to know more..