విశ్వం దృశ్యమిదం యతః సమయవద్యస్మిన్య ఏతత్ పునః
భాసా యస్య విరాజతేఽథ సకలం యేనేహ యా నిర్మితం.
యో వాచాం మనసోఽప్యగోచరపదం మాయాతిగో భాసతే
తస్మై దేవ నమోఽస్తు విశ్వగురవే శ్రీపద్మనాభాయ తే.
లోకే స్థావరజంగమాత్మని తు యః సర్వేషు జంతుష్వలం
చైతన్యాత్మతయా విశన్ విలసతి జ్ఞానస్వరూపోఽమలః.
నో లిప్తః పయసేవ పంకజదలం మాయాశ్రయస్తద్గుణైః
తస్మై దేవ నమోఽస్తు విశ్వగురవే శ్రీపద్మనాభాయ తే.
యస్యేశస్య నిషేవయానవమయా త్వాచార్యవర్యాననా-
దుద్భూతప్రతిమోపదేశవికసత్సాద్వర్త్మనావాప్తయా.
మిథ్యాత్వం జగతః స్ఫుటం హృది భవేత్రజ్జౌ యథాహేస్తథా
తస్మై దేవ నమోఽస్తు విశ్వగురవే శ్రీపద్మనాభాయ తే.
రూపం యస్య మృగం న చేహ మనుజం నో కర్మ జాతిం చ నో
న ద్రవ్యం న గుణం స్త్రియం న పురుషం నైవాసురం నో సురం.
నైవాసచ్చ సదిత్యనంతధిషణాః ప్రాహుర్మహాంతో బుధాః
తస్మై దేవ నమోఽస్తు విశ్వగురవే శ్రీపద్మనాభాయ తే.
మార్తాండో గగనోదితస్తు తిమిరం యద్వత్పినష్టి క్షణాత్
శీతం చానుపమం యథా చ హుతభుగ్ రోగాన్యథైవౌషధం.
అజ్ఞానం ఖిల తద్వదేవ కృపయా యోఽసౌ విదత్తే హతం
తస్మై దేవ నమోఽస్తు విశ్వగురవే శ్రీపద్మనాభాయ తే.
కల్పాంతే తు చరాచరేఽథ భువనే నష్టే సమస్తే పునః
గంభీరేణ తథామితేన తమసా వ్యాప్తే చ దిఙ్మండలే.
యోఽసౌ భాతి తథా విభుర్వితిమిరస్తేజః స్వరూపోఽనిశం
తస్మై దేవ నమోఽస్తు విశ్వగురవే శ్రీపద్మనాభాయ తే.
లోకే చాత్ర సమాధిషట్కవికసద్దివ్యప్రబోధోజ్జ్వల-
స్వాంతాః శాంతతమా జితేంద్రియగణా ధన్యాస్తు సన్యాసినః.
ముక్తిం యత్కరుణాలవేన సరసం సంప్రాప్నువంతీహ తే
తస్మై దేవ నమోఽస్తు విశ్వగురవే శ్రీపద్మనాభాయ తే.
కృత్వా హంత మఖాన్యథావిధి పుమాన్ స్వర్గేచ్ఛయా భూతలే
తేషాం తత్ర ఫలం చ పుణ్యసదృశం భుంక్తే చ నాతోదికం.
సేవా యస్య దధాతి ముక్తిమమలామానందసాంద్రాం స్థిరం
తస్మై దేవ నమోఽస్తు విశ్వగురవే శ్రీపద్మనాభాయ తే.
స్వేనైవేహ వినిర్మితం ఖలు జగత్కృత్స్నం స్వతో లీలయా
స్వేనేదం పరిపాలితం పునరిహ స్వేనైవ సన్నాశితం.
పశ్యంతో ముదితః ప్రభుర్విలసతి శ్రేయోఽయనం సాత్వతాం
తస్మై దేవ నమోఽస్తు విశ్వగురవే శ్రీపద్మనాభాయ తే.
చిత్తే యస్య తు యాదృశీ ప్రభవతి శ్రద్ధా నిజారాధనే
తద్వత్తత్పరిపాలనాయ విహితశ్రద్ధాయ విశ్వాత్మనే.
సచ్చిత్పూర్ణసుఖైకవారిధి లసత్కల్లోలరూపాయ వై
తస్మై దేవ నమోఽస్తు విశ్వగురవే శ్రీపద్మనాభాయ తే.
జయతు జయతు సోఽయం పద్మనాభో ముకుందో
నిజచరణరతానాం పాలనే బద్ధదీక్షః.
అవికలమపి చాయుః శ్రీసుఖారోగ్యకీర్తిః
ప్రతిదినమపి పుష్ణన్ స్వానుకంపాసుధాభిః.
ఏవం జగత్త్రయగురోః కమలావరస్య
సంకీర్తనం గుణగణాబ్ధిలవస్య కించిత్.
దేవస్య తస్య కృపయైవ కృతం మయేదం
సంతో గృణంతు రసికాః కిల సప్రమోదం.
వేంకటేశ కవచం
అస్య శ్రీవేంకటేశకవచస్తోత్రమహామంత్రస్య బ్రహ్మా ఋషిః. గ....
Click here to know more..లలితా అష్టక స్తోత్రం
రాధాముకుందపద- సంభవఘర్మబిందు నిర్మంఛనోపకరణీ- కృతదేహలక్....
Click here to know more..శ్రేయస్సు కోసం కామధేను మంత్రం
శుభకామాయై విద్మహే కామదాత్ర్యై చ ధీమహి . తన్నో ధేనుః ప్రచ....
Click here to know more..