శేషాద్రినిలయం శేషశాయినం విశ్వభావనం|
భార్గవీచిత్తనిలయం వేంకటాచలపం నుమః|
అంభోజనాభమంభోధిశాయినం పద్మలోచనం|
స్తంభితాంభోనిధిం శాంతం వేంకటాచలపం నుమః|
అంభోధినందినీ- జానిమంబికాసోదరం పరం|
ఆనీతామ్నాయమవ్యక్తం వేంకటాచలపం నుమః|
సోమార్కనేత్రం సద్రూపం సత్యభాషిణమాదిజం|
సదసజ్జ్ఞానవేత్తారం వేంకటాచలపం నుమః|
సత్త్వాదిగుణగంభీరం విశ్వరాజం విదాం వరం|
పుణ్యగంధం త్రిలోకేశం వేంకటాచలపం నుమః|
విశ్వామిత్రప్రియం దేవం విశ్వరూపప్రదర్శకం|
జయోర్జితం జగద్బీజం వేంకటాచలపం నుమః|
ఋగ్యజుఃసామవేదజ్ఞం రవికోటిసమోజ్జ్వలం|
రత్నగ్రైవేయభూషాఢ్యం వేంకటాచలపం నుమః|
దిగ్వస్త్రం దిగ్గజాధీశం ధర్మసంస్థాపకం ధ్రువం|
అనంతమచ్యుతం భద్రం వేంకటాచలపం నుమః|
శ్రీనివాసం సురారాతిద్వేషిణం లోకపోషకం|
భక్తార్తినాశకం శ్రీశం వేంకటాచలపం నుమః|
బ్రహ్మాండగర్భం బ్రహ్మేంద్రశివవంద్యం సనాతనం|
పరేశం పరమాత్మానం వేంకటాచలపం నుమః|
త్రిపుర సుందరీ అష్టక స్తోత్రం
కదంబవనచారిణీం మునికదంబకాదంబినీం నితంబజితభూధరాం సురని....
Click here to know more..గుహ అష్టక స్తోత్రం
శాంతం శంభుతనూజం సత్యమనాధారం జగదాధారం జ్ఞాతృజ్ఞాననిరం....
Click here to know more..అవరోధాల తొలగింపు మంత్రం
ఓం నమస్తే విఘ్నరాజాయ భక్తానాం విఘ్నహారిణే . విఘ్నదాత్ర....
Click here to know more..