దశావతార మంగల స్తోత్రం

ఆదావంబుజసంభవాదివినుతః శాంతోఽచ్యుతః శాశ్వతః
సంఫుల్లామలపుండరీకనయనః పుణ్యః పురాణః పుమాన్ .
లోకేశః శ్రుతిచోరసోమకహరో మత్స్యావతారో హరిః
శ్రీమాన్ సింహగిరీశ్వరః కరుణయా దద్యాత్సదా మంగలం ..

సప్తద్వీపకులాచలేంద్రజలధిస్తోమాభిసంక్రాంతభూ-
భారాలీఢఫణీంద్రమందరధరో మందారమాలార్చితః .
భావజ్ఞో బహుచక్రలాంఛితతనుః కూర్మావతారో హరిః
శ్రీమాన్ సింహగిరీశ్వరః కరుణయా దద్యాత్సదా మంగలం ..

లీలాలోడితసర్వసాగరజలః సంపూర్ణచంద్రప్రభో
హేమాక్షాసురఖండనో భుజగదః చక్రాంకితః సంతతం .
దంష్ట్రాగ్రోద్ధృతమేదినీభయహరః క్రోడావతారో హరిః
శ్రీమాన్ సింహగిరీశ్వరః కరుణయా దద్యాత్సదా మంగలం ..

కుందేందుస్ఫటికప్రభో బహుభుజో భూషాసహస్రోజ్జ్వలో
దైత్యేంద్రోదరదారణేఽతినిపుణః స్తంభోద్భవో భీషణః .
ప్రహ్లాదార్తిహరోదయో నరమృగాకారావతారో హరిః
శ్రీమాన్ సింహగిరీశ్వరః కరుణయా దద్యాత్సదా మంగలం ..

ధాతృక్షాలితపాదపంకజభవస్రోతోమహాశాంబరః
ప్రక్షాలీకృతపాదపద్మయుగలో బాలో జగజ్జీవనః .
భిక్షార్థీ బలిదర్పహా పటువటుః ఖర్వావతారో హరిః
శ్రీమాన్ సింహగిరీశ్వరః కరుణయా దద్యాత్సదా మంగలం ..

సద్యఃఖండితరాజమండలశరీరోద్భూతరక్తాపగా
సంసిక్తాఖిలభూతలః పితృవచఃసంపాలనే నిష్ఠితః .
వేదజ్ఞో జమదగ్నిజః పరశుభృద్రామావతారో హరిః
శ్రీమాన్ సింహగిరీశ్వరః కరుణయా దద్యాత్సదా మంగలం ..

రాజేంద్రో రణరంగరాజవినుతానేకాసురాభాసురా-
కారో రావణకోటిఖండనపటుః కోదండదీక్షాగురుః .
సీతేశః సురసజ్జనామృతకరో రామావతారో హరిః
శ్రీమాన్ సింహగిరీశ్వరః కరుణయా దద్యాత్సదా మంగలం ..

కాలిందీజలభేదనో బహుభుజో భూషాసముద్భాసురః
ప్రధ్వంసీ ముసలాయుధో హలధరో నీలాంబరో నిర్మలః .
లావణ్యాప్పతిరేవతీపతిరసౌ రామావతారో హరిః
శ్రీమాన్ సింహగిరీశ్వరః కరుణయా దద్యాత్సదా భంగలం ..

ధర్మజ్ఞత్రిపురాధినాథవనితాధర్మోపదేష్టా చ త-
త్పాతివ్రత్యవిశేషభంజనపరో వేదాంతవేద్యః సదా .
దైత్యవ్రాతవినాశనాదిచతురో బుద్ధావతారో హరిః
శ్రీమాన్ సింహగిరీశ్వరః కరుణయా దద్యాత్సదా మంగలం ..

మ్లేచ్ఛవ్రాతవినాశకః కలియుగాంతేఽశ్వాధిరూఢో మహా-
మాయావీ బహుభానుకోటిసదృశో భీమాంశుచక్రాయుధః .
యశ్చాంగీకృతకల్కిరూపవిభవో భూమౌ అవిష్యాన్వయః
శ్రీమాన్ సింహగిరీశ్వరః కరుణయా దద్యాత్సదా మంగలం ..

Ramaswamy Sastry and Vighnesh Ghanapaathi

Other stotras