ജപാകുസുമസങ്കാശം കാശ്യപേയം മഹാദ്യുതിം.
തമോഽരിം സർവപാപഘ്നം പ്രണതോഽസ്മി ദിവാകരം|
ദധിശംഖതുഷാരാഭം ക്ഷീരോദാർണവസംഭവം.
നമാമി ശശിനം സോമം ശംഭോർമുകുടഭൂഷണം|
ധരണീഗർഭസംഭൂതം വിദ്യുത്കാന്തിസമപ്രഭം.
കുമാരം ശക്തിഹസ്തം തം മംഗളം പ്രണമാമ്യഹം|
പ്രിയംഗുകലികാശ്യാമം രൂപേണാപ്രതിമം ബുധം.
സൗമ്യം സൗമ്യഗുണോപേതം തം ബുധം പ്രണമാമ്യഹം|
ദേവാനാഞ്ച ഋഷീണാഞ്ച ഗുരും കാഞ്ചനസന്നിഭം.
ബുദ്ധിഭൂതം ത്രിലോകേശം തം നമാമി ബൃഹസ്പതിം|
ഹിമകുന്ദമൃണാലാഭം ദൈത്യാനാം പരമം ഗുരും.
സർവശാസ്ത്രപ്രവക്താരം ഭാർഗവം പ്രണമാമ്യഹം|
നീലാഞ്ജനസമാഭാസം രവിപുത്രം യമാഗ്രജം.
ഛായാമാർതാണ്ഡസംഭൂതം തം നമാമി ശനൈശ്ചരം|
അർധകായം മഹാവീര്യം ചന്ദ്രാദിത്യവിമർദനം.
സിംഹികാഗർഭസംഭൂതം തം രാഹും പ്രണമാമ്യഹം|
പലാശപുഷ്പസങ്കാശം താരകാഗ്രഹമസ്തകം.
രൗദ്രം രൗദ്രാത്മകം ഘോരം തം കേതും പ്രണമാമ്യഹം|
ഇതി വ്യാസമുഖോദ്ഗീതം യഃ പഠേത് സുസമാഹിതഃ.
ദിവാ വാ യദി വാ രാത്രൗ വിഘ്നശാന്തിർഭവിഷ്യതി|
നരനാരീനൃപാണാം ച ഭവേദ് ദുഃസ്വപ്നനാശനം.
ഐശ്വര്യമതുലം തേഷാമാരോഗ്യം പുഷ്ടിവർധനം|
ഗ്രഹനക്ഷത്രജാഃ പീഡാസ്തസ്കരാഗ്നിസമുദ്ഭവാഃ.
താഃ സർവാഃ പ്രശമം യാന്തി വ്യാസോ ബ്രൂതേ ന സംശയഃ|
മഹാശാസ്താ അഷ്ടക സ്തോത്രം
ഗജേന്ദ്രശാർദൂലമൃഗേന്ദ്രവാഹനം മുനീന്ദ്രസംസേവിതപാദപങ....
Click here to know more..സീതാരാമ സ്തോത്രം
അയോധ്യാപുരനേതാരം മിഥിലാപുരനായികാം. രാഘവാണാമലങ്കാരം വ....
Click here to know more..പ്രണവം ഒരു സമ്പൂർണ മന്ത്രം
പ്രണവത്തെ എന്തുകൊണ്ടാണ് ഒരു സമ്പൂര്ണ്ണ മന്ത്രമെന്ന് ....
Click here to know more..