മഹാശാസ്താ അഷ്ടക സ്തോത്രം

ഗജേന്ദ്രശാർദൂലമൃഗേന്ദ്രവാഹനം
മുനീന്ദ്രസംസേവിതപാദപങ്കജം .
ദേവീദ്വയേനാവൃതപാർശ്വയുഗ്മം
ശാസ്താരമാദ്യം സതതം നമാമി ..

ഹരിഹരഭവമേകം സച്ചിദാനന്ദരൂപം
ഭവഭയഹരപാദം ഭാവനാഗമ്യമൂർതിം .
സകലഭുവനഹേതും സത്യധർമാനുകൂലം
ശ്രിതജനകുലപാലം ധർമശാസ്താരമീഡേ ..

ഹരിഹരസുതമീശം വീരവര്യം സുരേശം
കലിയുഗഭവഭീതിധ്വംസലീലാവതാരം .
ജയവിജയലക്ഷ്മീ സുസംസൃതാജാനുബാഹും
മലയഗിരിനിവാസം ധർമശാസ്താരമീഡേ ..

പരശിവമയമീഡ്യം ഭൂതനാഥം മുനീന്ദ്രം
കരധൃതവികചാബ്ജം ബ്രഹ്മപഞ്ചസ്വരൂപം .
മണിമയസുകിരീടം മല്ലികാപുഷ്പഹാരം
വരവിതരണശീലം ധർമശാസ്താരമീഡേ ..

ഹരിഹരമയമായ ബിംബമാദിത്യകോടി-
ത്വിഷമമലമുഖേന്ദും സത്യസന്ധം വരേണ്യം .
ഉപനിഷദവിഭാവ്യം ഓംഇതിധ്യാനഗമ്യം
മുനിജനഹൃദി ചിന്ത്യം ധർമശാസ്താരമീഡേ ..

കനകമയദുകൂലം ചന്ദനാർദ്രാവസിക്തം
സരസമൃദുലഹാസം ബ്രാഹ്മണാനന്ദകാരം .
മധുരസമയപാണിം മാരജീവാതുലീലം
സകലദുരിതനാശം ധർമശാസ്താരമീഡേ ..

മുനിജനഗണസേവ്യം മുക്തിസാമ്രാജ്യമൂലം
വിദിതസകലതത്വജ്ഞാനമന്ത്രോപദേശം .
ഇഹപരഫലഹേതും താരകം ബ്രഹ്മസഞ്ജ്ഞം
ഷഡരിമലവിനാശം ധർമശാസ്താരമീഡേ ..

മധുരസഫലമുഖ്യൈഃ പായസൈർഭക്ഷ്യജാലൈഃ
ദധിഘൃതപരിപൂർണൈരന്നദാനൈസ്സന്തുഷ്ടം .
നിജപദനമിതാനാം നിത്യവാത്സല്യഭാവം
ഹൃദയകമലമധ്യേ ധർമശാസ്താരമീഡേ ..

ഭവഗുണജനിതാനാം ഭോഗമോക്ഷായ നിത്യം
ഹരിഹരഭവദേവസ്യാഷ്ടകം സന്നിധൗ യഃ .
പഠതി സകലഭോഗാൻ മുക്തിസാമ്രാജ്യഭാഗ്യേ
ഭുവി ദിവി ഖലു തസ്മൈ നിത്യതുഷ്ടോ ദദാതി ..

Ramaswamy Sastry and Vighnesh Ghanapaathi

Other stotras