Navagraha Stotram

जपाकुसुमसङ्काशं काश्यपेयं महाद्युतिम् ।
तमोऽरिं सर्वपापघ्नं प्रणतोऽस्मि दिवाकरम् ।।
दधिशङ्खतुषाराभं क्षीरोदार्णवसंभवम् ।
नमामि शशिनं सोमं शम्भोर्मुकुटभूषणम् ।।
धरणीगर्भसंभूतं विद्युत्कान्तिसमप्रभम् ।
कुमारं शक्तिहस्तं तं मङ्गलं प्रणमाम्यहम् ।।
प्रियङ्गुकलिकाश्यामं रूपेणाप्रतिमं बुधम् ।
सौम्यं सौम्यगुणोपेतं तं बुधं प्रणमाम्यहम् ।।
देवानाञ्च ऋषीणाञ्च गुरुं काञ्चनसन्निभम् ।
बुद्धिभूतं त्रिलोकेशं तं नमामि बृहस्पतिम् ।।
हिमकुन्दमृणालाभं दैत्यानां परमं गुरुम् ।
सर्वशास्त्रप्रवक्तारं भार्गवं प्रणमाम्यहम् ।।
नीलाञ्जनसमाभासं रविपुत्रं यमाग्रजम् ।
छायामार्ताण्डसम्भूतं तं नमामि शनैश्चरम् ।।
अर्धकायं महावीर्यं चन्द्रादित्यविमर्दनम् ।
सिंहिकागर्भसम्भूतं तं राहुं प्रणमाम्यहम् ।।
पलाशपुष्पसङ्काशं तारकाग्रहमस्तकम् ।
रौद्रं रौद्रात्मकं घोरं तं केतुं प्रणमाम्यहम् ।।
इति व्यासमुखोद्गीतं यः पठेत् सुसमाहितः ।
दिवा वा यदि वा रात्रौ विघ्नशान्तिर्भविष्यति ।।
नरनारीनृपाणां च भवेद् दुःस्वप्ननाशनम् ।
ऐश्वर्यमतुलं तेषामारोग्यं पुष्टिवर्धनम् ।।
ग्रहनक्षत्रजाः पीडास्तस्कराग्निसमुद्भवाः ।
ताः सर्वाः प्रशमं यान्ति व्यासो ब्रूते न संशयः ।।

japaakusumasankaasham' kaashyapeyam' mahaadyutim .
tamo'rim' sarvapaapaghnam' pranato'smi divaakaram ..
dadhishankhatushaaraabham' ksheerodaarnavasambhavam .
namaami shashinam' somam' shambhormukut'abhooshanam ..
dharaneegarbhasambhootam' vidyutkaantisamaprabham .
kumaaram' shaktihastam' tam' mangalam' pranamaamyaham ..
priyangukalikaashyaamam' roopenaapratimam' budham .
saumyam' saumyagunopetam' tam' budham' pranamaamyaham ..
devaanaancha ri'sheenaancha gurum' kaanchanasannibham .
buddhibhootam' trilokesham' tam' namaami bri'haspatim ..
himakundamri'naalaabham' daityaanaam' paramam' gurum .
sarvashaastrapravaktaaram' bhaargavam' pranamaamyaham ..
neelaanjanasamaabhaasam' raviputram' yamaagrajam .
chhaayaamaartaand'asambhootam' tam' namaami shanaishcharam ..
ardhakaayam' mahaaveeryam' chandraadityavimardanam .
sim'hikaagarbhasambhootam' tam' raahum' pranamaamyaham ..
palaashapushpasankaasham' taarakaagrahamastakam .
raudram' raudraatmakam' ghoram' tam' ketum' pranamaamyaham ..
iti vyaasamukhodgeetam' yah' pat'het susamaahitah' .
divaa vaa yadi vaa raatrau vighnashaantirbhavishyati ..
naranaareenri'paanaam' cha bhaved duh'svapnanaashanam .
aishvaryamatulam' teshaamaarogyam' pusht'ivardhanam ..
grahanakshatrajaah' peed'aastaskaraagnisamudbhavaah' .
taah' sarvaah' prashamam' yaanti vyaaso broote na sam'shayah' ..

Rendered By : Rupa Kartik and Subhadra Iyer

Ramaswamy Sastry and Vighnesh Ghanapaathi

Other stotras