ശ്രീപദ്മിനീശമരുണോജ്ജ്വലകാന്തിമന്തം
മൗനീന്ദ്രവൃന്ദസുരവന്ദിതപാദപദ്മം.
നീരേജസംഭവമുകുന്ദശിവസ്വരൂപം
ശ്രീഭാസ്കരം ഭുവനബാന്ധവമാശ്രയാമി
മാർതാണ്ഡമീശമഖിലാത്മകമംശുമന്ത-
മാനന്ദരൂപമണിമാദികസിദ്ധിദം ച.
ആദ്യന്തമധ്യരഹിതം ച ശിവപ്രദം ത്വാം
ശ്രീഭാസ്കരം നതജനാശ്രയമാശ്രയാമി.
സപ്താശ്വമഭ്രമണിമാശ്രിതപാരിജാതം
ജാംബൂനദാഭമതിനിർമലദൃഷ്ടിദം ച.
ദിവ്യാംബരാഭരണഭൂഷിതചാരുമൂർതിം
ശ്രീഭാസ്കരം ഗ്രഹഗണാധിപമാശ്രയാമി.
പാപാർതിരോഗഭയദുഃഖഹരം ശരണ്യം
സംസാരഗാഢതമസാഗരതാരകം ച.
ഹംസാത്മകം നിഗമവേദ്യമഹസ്കരം ത്വാം
ശ്രീഭാസ്കരം കമലബാന്ധവമാശ്രയാമി.
പ്രത്യക്ഷദൈവമചലാത്മകമച്യുതം ച
ഭക്തപ്രിയം സകലസാക്ഷിണമപ്രമേയം.
സർവാത്മകം സകലലോകഹരം പ്രസന്നം
ശ്രീഭാസ്കരം ജഗദധീശ്വരമാശ്രയാമി.
ജ്യോതിസ്വരൂപമഘസഞ്ചയനാശകം ച
താപത്രയാന്തകമനന്തസുഖപ്രദം ച.
കാലാത്മകം ഗ്രഹഗണേന സുസേവിതം ച
ശ്രീഭാസ്കരം ഭുവനരക്ഷകമാശ്രയാമി.
സൃഷ്ടിസ്ഥിതിപ്രലയകാരണമീശ്വരം ച
ദൃഷ്ടിപ്രദം പരമതുഷ്ടിദമാശ്രിതാനാം.
ഇഷ്ടാർഥദം സകലകഷ്ടനിവാരകം ച
ശ്രീഭാസ്കരം മൃഗപതീശ്വരമാശ്രയാമി.
ആദിത്യമാർതജനരക്ഷകമവ്യയം ച
ഛായാധവം കനകരേതസമഗ്നിഗർഭം.
സൂര്യം കൃപാലുമഖിലാശ്രയമാദിദേവം
ലക്ഷ്മീനൃസിംഹകവിപാലകമാശ്രയാമി.
ശ്രീഭാസ്കരാഷ്ടകമിദം പരമം പവിത്രം
യത്ര ശ്രുതം ച പഠിതം സതതം സ്മൃതം ച.
തത്ര സ്ഥിരാണി കമലാപ്തകൃപാവിലാസൈ-
ര്ദീർഘായുരർഥബലവീര്യസുതാദികാനി.
രാമ പഞ്ചരത്ന സ്തോത്രം
യോഽത്രാവതീര്യ ശകലീകൃത- ദൈത്യകീർതി- ര്യോഽയം ച ഭൂസുരവരാർ....
Click here to know more..സുബ്രഹ്മണ്യ അഷ്ടക സ്തോത്രം
ഹേ സ്വാമിനാഥ കരുണാകര ദീനബന്ധോ ശ്രീപാർവതീശമുഖ- പങ്കജപദ്....
Click here to know more..മാന്ത്രിക വയലിന്
സംഗീതം പഠിക്കാന് പോയി പ്രജകള്ക്ക് ബുദ്ധിമുട്ടായി മാ....
Click here to know more..