നവഗ്രഹ കരാവലംബ സ്തോത്രം
ജ്യോതീശ ദേവ ഭുവനത്രയ മൂലശക്തേ
ഗോനാഥഭാസുര സുരാദിഭിരീദ്യമാന.
നൄണാംശ്ച വീര്യവരദായക ആദിദേവ
ആദിത്യ വേദ്യ മമ ദേഹി കരാവലംബം.
നക്ഷത്രനാഥ സുമനോഹര ശീതലാംശോ
ശ്രീഭാർഗവീപ്രിയസഹോദര ശ്വേതമൂർതേ.
ക്ഷീരാബ്ധിജാത രജനീകര ചാരുശീല
ശ്രീമച്ഛശാങ്ക മമ ദേഹി കരാവലംബം.
രുദ്രാത്മജാത ബുധപൂജിത രൗദ്രമൂർതേ
ബ്രഹ്മണ്യ മംഗല ധരാത്മജ ബുദ്ധിശാലിൻ.
രോഗാർതിഹാര ഋണമോചക ബുദ്ധിദായിൻ
ശ്രീഭൂമിജാത മമ ദേഹി കരാവലംബം.
സോമാത്മജാത സുരസേവിത സൗമ്യമൂർതേ
നാരായണപ്രിയ മനോഹര ദിവ്യകീർതേ.
ധീപാടവപ്രദ സുപണ്ഡിത ചാരുഭാഷിൻ
ശ്രീസൗമ്യദേവ മമ ദേഹി കരാവലംബം.
വേദാന്തജ്ഞാന ശ്രുതിവാച്യ വിഭാസിതാത്മൻ
ബ്രഹ്മാദി വന്ദിത ഗുരോ സുര സേവിതാംഘ്രേ.
യോഗീശ ബ്രഹ്മഗുണഭൂഷിത വിശ്വയോനേ
വാഗീശ ദേവ മമ ദേഹി കരാവലംബം.
ഉൽഹാസദായക കവേ ഭൃഗുവംശജാത
ലക്ഷ്മീസഹോദര കലാത്മക ഭാഗ്യദായിൻ.
കാമാദിരാഗകര ദൈത്യഗുരോ സുശീല
ശ്രീശുക്രദേവ മമ ദേഹി കരാവലംബം.
ശുദ്ധാത്മജ്ഞാനപരിശോഭിത കാലരൂപ
ഛായാസുനന്ദന യമാഗ്രജ ക്രൂരചേഷ്ട.
കഷ്ടാദ്യനിഷ്ടകര ധീവര മന്ദഗാമിൻ
മാർതണ്ഡജാത മമ ദേഹി കരാവലംബം.
മാർതണ്ഡപൂർണ ശശിമർദക രൗദ്രവേശ
സർപാധിനാഥ സുരഭീകര ദൈത്യജന്മ.
ഗോമേധികാഭരണഭാസിത ഭക്തിദായിൻ
ശ്രീരാഹുദേവ മമ ദേഹി കരാവലംബം.
ആദിത്യസോമപരിപീഡക ചിത്രവർണ
ഹേ സിംഹികാതനയ വീരഭുജംഗനാഥ.
മന്ദസ്യ മുഖ്യസഖ ധീവര മുക്തിദായിൻ
ശ്രീകേതു ദേവ മമ ദേഹി കരാവലംബം.
മാർതണ്ഡചന്ദ്രകുജസൗമ്യബൃഹസ്പതീനാം
ശുക്രസ്യ ഭാസ്കരസുതസ്യ ച രാഹുമൂർതേഃ.
കേതോശ്ച യഃ പഠതി ഭൂരി കരാവലംബ
സ്തോത്രം സ യാതു സകലാംശ്ച മനോരഥാരാൻ.
Recommended for you
ലക്ഷ്മീ ശരണാഗതി സ്തോത്രം
ജലധീശസുതേ ജലജാക്ഷവൃതേ ജലജോദ്ഭവസന്നുതേ ദിവ്യമതേ. ജലജാന....
Click here to know more..വീരഭദ്ര ഭുജംഗ സ്തോത്രം
ഗുണാദോഷഭദ്രം സദാ വീരഭദ്രം മുദാ ഭദ്രകാല്യാ സമാശ്ലിഷ്ടമ....
Click here to know more..ഗതാഗത ബിസിനസ്സിലെ വിജയത്തിനുള്ള മന്ത്രം
ആഖുധ്വജായ വിദ്മഹേ വക്രതുണ്ഡായ ധീമഹി തന്നോ വിഘ്നഃ പ്രചോ....
Click here to know more..
