ശ്വേതാംബരോജ്ജ്വലതനും സിതമാല്യഗന്ധം
ശ്വേതാശ്വയുക്തരഥഗം സുരസേവിതാംഘ്രിം.
ദോർഭ്യാം ധൃതാഭയഗദം വരദം സുധാംശും
ശ്രീവത്സമൗക്തികധരം പ്രണമാമി ചന്ദ്രം.
ആഗ്നേയഭാഗേ സരഥോ ദശാശ്വശ്ചാത്രേയജോ യാമുനദേശജശ്ച.
പ്രത്യങ്മുഖസ്ഥശ്ചതുരശ്രപീഠേ ഗദാധരോ നോഽവതു രോഹിണീശഃ.
ചന്ദ്രം നമാമി വരദം ശങ്കരസ്യ വിഭൂഷണം.
കലാനിധിം കാന്തരൂപം കേയൂരമകുടോജ്ജ്വലം.
വരദം വന്ദ്യചരണം വാസുദേവസ്യ ലോചനം.
വസുധാഹ്ലാദനകരം വിധും തം പ്രണമാമ്യഹം.
ശ്വേതമാല്യാംബരധരം ശ്വേതഗന്ധാനുലേപനം.
ശ്വേതഛത്രോല്ലസന്മൗലിം ശശിനം പ്രണമാമ്യഹം.
സർവം ജഗജ്ജീവയസി സുധാരസമയൈഃ കരൈഃ.
സോമ ദേഹി മമാരോഗ്യം സുധാപൂരിതമണ്ഡലം.
രാജാ ത്വം ബ്രാഹ്മണാനാം ച രമായാ അപി സോദരഃ.
രാജാ നാഥശ്ചൗഷധീനാം രക്ഷ മാം രജനീകര.
ശങ്കരസ്യ ശിരോരത്നം ശാർങ്ഗിണശ്ച വിലോചനം.
താരകാണാമധീശസ്ത്വം താരയാഽസ്മാന്മഹാപദഃ.
കല്യാണമൂർതേ വരദ കരുണാരസവാരിധേ.
കലശോദധിസഞ്ജാത കലാനാഥ കൃപാം കുരു.
ക്ഷീരാർണവസമുദ്ഭൂത ചിന്താമണിസഹോദ്ഭവ.
കാമിതാർഥാൻ പ്രദേഹി ത്വം കല്പദ്രുമസഹോദര.
ശ്വേതാംബരഃ ശ്വേതവിഭൂഷണാഢ്യോ ഗദാധരഃ ശ്വേതരുചിർദ്വിബാഹുഃ.
ചന്ദ്രഃ സുധാത്മാ വരദഃ കിരീടീ ശ്രേയാംസി മഹ്യം പ്രദദാതു ദേവഃ.
ചന്ദ്രമൗലി ദശക സ്തോത്രം
സദാ മുദാ മദീയകേ മനഃസരോരുഹാന്തരേ വിഹാരിണേഽഘസഞ്ചയം വിദാ....
Click here to know more..സാധനാ പഞ്ചകം
വേദോ നിത്യമധീയതാം തദുദിതം കർമസ്വനുഷ്ഠീയതാം തേനേശസ്യ വ....
Click here to know more..പഠനത്തിനുള്ള അഥർവ വേദമന്ത്രം
യേ ത്രിഷപ്താഃ പരിയന്തി വിശ്വാ രൂപാണി ബിഭ്രതഃ . വാചസ്പതി....
Click here to know more..