സുബ്രഹ്മണ്യ അഷ്ടക സ്തോത്രം
ഹേ സ്വാമിനാഥ കരുണാകര ദീനബന്ധോ
ശ്രീപാർവതീശമുഖ-
പങ്കജപദ്മബന്ധോ.
ശ്രീശാദിദേവഗണ-
പൂജിതപാദപദ്മ
വല്ലീശനാഥ മമ ദേഹി കരാവലംബം.
ദേവാദിദേവസുത ദേവഗണാധിനാഥ
ദേവേന്ദ്രവന്ദ്യ മൃദുപങ്കജമഞ്ജുപാദ .
ദേവർഷിനാരദ-
മുനീന്ദ്രസുഗീതകീർതേ
വല്ലീശനാഥ മമ ദേഹി കരാവലംബം.
നിത്യാന്നരദാന-
നിരതാഖിലരോഗഹാരിൻ
തസ്മാത്പ്രദാന-
പരിപൂരിതഭക്തകാമ.
ശ്രുത്യാഗമപ്രണവവാച്യ-
നിജസ്വരൂപ
വല്ലീശനാഥ മമ ദേഹി കരാവലംബം.
ക്രൗഞ്ചാസുരേന്ദ്രപരി-
ഖണ്ഡനശക്തിശൂല-
ചാപാദിശസ്ത്രപരി-
മണ്ഡിതദിവ്യപാണേ.
ശ്രീകുണ്ഡലീശധര-
തുണ്ഡശിഖീന്ദ്രവാഹ
വല്ലീശനാഥ മമ ദേഹി കരാവലംബം.
ദേവാദിദേവ രഥമണ്ഡലമധ്യവേദ്യ
ദേവേന്ദ്രപീഡനകരം ദൃഢചാപഹസ്തം.
ശൂരം നിഹത്യ സുരകോടിഭിരീഡ്യമാന
വല്ലീശനാഥ മമ ദേഹി കരാവലംബം.
ഹീരാദിരത്നമണി-
യുക്തകിരീടഹാര
കേയൂരകുണ്ഡല-
ലസത്കവചാഭിരാമം.
ഹേ വീര താരക ജയാഽമരവൃന്ദവന്ദ്യ
വല്ലീശനാഥ മമ ദേഹി കരാവലംബം.
പഞ്ചാക്ഷരാദിമനു-
മന്ത്രിതഗാംഗതോയൈഃ
പഞ്ചാമൃതൈഃ പ്രമുദിതേന്ദ്രമുഖൈർമുനീന്ദ്രൈഃ .
പട്ടാഭിഷിക്ത ഹരിയുക്ത പരാസനാഥ
വല്ലീശനാഥ മമ ദേഹി കരാവലംബം.
ശ്രീകാർതികേയ കരുണാമൃതപൂർണദൃഷ്ട്യാ
കാമാദിരോഗ-
കലുഷീകൃതദുഷ്ടചിത്തം .
സിക്ത്വാ തു മാമവ കലാധര കാന്തികാന്ത്യാ
വല്ലീശനാഥ മമ ദേഹി കരാവലംബം.
സുബ്രഹ്മണ്യാഷ്ടകം പുണ്യം യേ പഠന്തി ദ്വിജോത്തമാഃ.
തേ സർവേ മുക്തിമായന്തി സുബ്രഹ്മണ്യപ്രസാദതഃ.
സുബ്രഹ്മണ്യാഷ്ടകമിദം പ്രാതരുത്ഥായ യഃ പഠേത്.
കോടിജന്മകൃതം പാപം തത്ക്ഷണാദേവ നശ്യതി.
Recommended for you
വായുപുത്ര സ്തോത്രം
ഉദ്യന്മാർതാണ്ഡകോടി- പ്രകടരുചികരം ചാരുവീരാസനസ്ഥം മൗഞ്....
Click here to know more..നവഗ്രഹ സ്തുതി
ഭാസ്വാൻ മേ ഭാസയേത് തത്ത്വം ചന്ദ്രശ്ചാഹ്ലാദകൃദ്ഭവേത്. മ....
Click here to know more..സംഗീതത്തിലെ ഉപമകളിലൂടെ എഴുത്തച്ഛന്‍ പരബ്രഹ്മതത്ത്വത്തെപ്പറ്റി പറയുന്നു
Click here to know more..
