विघ्नेश्वरं चतुर्बाहुं देवपूज्यं परात्परम्|
गणेशं त्वां प्रपन्नोऽहं विघ्नान् मे नाशयाऽऽशु भोः|
लम्बोदरं गजेशानं विशालाक्षं सनातनम्|
एकदन्तं प्रपन्नोऽहं विघ्नान् मे नाशयाऽऽशु भोः|
आखुवाहनमव्यक्तं सर्वशास्त्रविशारदम्|
वरप्रदं प्रपन्नोऽहं विघ्नान् मे नाशयाऽऽशु भोः|
अभयं वरदं दोर्भ्यां दधानं मोदकप्रियम्|
शैलजाजं प्रपन्नोऽहं विघ्नान् मे नाशयाऽऽशु भोः|
भक्तितुष्टं जगन्नाथं ध्यातृमोक्षप्रदं द्विपम्|
शिवसूनुं प्रपन्नोऽहं विघ्नान् मे नाशयाऽऽशु भोः|
संसाराब्धितरिं देवं करिरूपं गणाग्रगम्|
स्कन्दाग्रजं प्रपन्नोऽहं विघ्नान् मे नाशयाऽऽशु भोः|
कारुण्यामृतजीमूतं सुरासुरनमस्कृतम्|
शूलहस्तं प्रपन्नोऽहं विघ्नान् मे नाशयाऽऽशु भोः|
परेश्वरं महाकायं महाभारतलेखकम्|
वेदवेद्यं प्रपन्नोऽहं विघ्नान् मे नाशयाऽऽशु भोः|
विघ्नेशाष्टकमेतद्यः सर्वविघ्नौघनाशनम्|
पठेत् प्रतिदिनं प्रातस्तस्य निर्विघ्नता भवेत्|
एक श्लोकी रामायण
आदौ रामतपोवनादिगमनं हत्वा मृगं काञ्चनं वैदेहीहरणं जटा....
Click here to know more..गरुड गमन तव
गरुडगमन तव चरणकमलमिह मनसि लसतु मम नित्यम्। मम तापमपाकुर....
Click here to know more..आसुरी शक्तियों से रक्षा के लिए राम मंत्र
ॐ ह्रीं श्रीं क्ष्रौं खरान्तकाय कालाग्निरूपाय रामभद्रा....
Click here to know more..