Tyagaraja Shiva Stuti

नीलकन्धर भाललोचन बालचन्द्रशिरोमणे
कालकाल कपालमाल हिमालयाचलजापते।
शूलदोर्धर मूलशङ्कर मूलयोगिवरस्तुत
त्यागराज दयानिधे कमलापुरीश्वर पाहि माम्।
हारकुण्डलमौलिकङ्कण किङ्किणीकृतपन्नग
वीरखड्ग कुबेरमित्र कलत्रपुत्रसमावृत।
नारदादि मुनीन्द्रसन्नुत नागचर्मकृताम्बर
त्यागराज दयानिधे कमलापुरीश्वर पाहि माम्।
भूतनाथ पुरान्तकातुल भुक्तिमुक्तिसुखप्रद
शीतलामृतमन्दमारुत सेव्यदिव्यकलेवर।
लोकनायक पाकशासन शोकवारण कारण
त्यागराज दयानिधे कमलापुरीश्वर पाहि माम्।
शुद्धमद्धलतालकाहलशङ्खदिव्यरवप्रिय
नृत्तगीतरसज्ञ नित्यसुगन्धिगौरशरीर भो।
चारुहार सुरासुराधिपपूजनीयपदाम्बुज
त्यागराज दयानिधे कमलापुरीश्वर पाहि माम्।
घोरमोहमहान्धकारदिवाकराखिलशोकहन्
एकनायक पाकशासनपूजिताङ्घ्रिसरोरुह।
पापतूलहुताशनाखिललोकजन्मसुपूजित
त्यागराज दयानिधे कमलापुरीश्वर पाहि माम्।
सर्पराजविभूष चिन्मय हृत्सभेश सदाशिव
नन्दिभृङ्गिगणेशवन्दितसुन्दराङ्घ्रिसरोरुह।
वेदशेखरसौधसुग्रह नादरूप दयाकर
त्यागराज दयानिधे कमलापुरीश्वर पाहि माम्।
पङ्कजासनसूत वेदतुरङ्ग मेरुशरासन
भानुचन्द्ररथाङ्ग भूरथ शेषशायिशिलीमुख।
मन्दहासखिलीकृतत्रिपुरान्तकृद् बडवानल
त्यागराज दयानिधे कमलापुरीश्वर पाहि माम्।
दिव्यरत्नमहासनाशय मेरुतुल्यमहारथ
छत्रचामरबर्हिबर्हसमूह दिव्यशिरोमणे।
नित्यशुद्ध महावृषध्वज निर्विकल्प निरञ्जन
त्यागराज दयानिधे कमलापुरीश्वर पाहि माम्।
सर्वलोकविमोहनास्पदतत्पदार्थ जगत्पते
शक्तिविग्रह भक्तदूत सुवर्णवर्ण विभूतिमन्।
पावकेन्दुदिवाकराक्ष परात्परामितकीर्तिमन्
त्यागराज दयानिधे कमलापुरीश्वर पाहिमाम्।
तात मत्कृतपापवारणसिंह दक्षभयङ्कर
दारुकावनतापसाधिपसुन्दरीजनमोहक।
व्याघ्रपादपतञ्जलिस्तुत सार्धचन्द्र सशैलज
त्यागराज दयानिधे कमलापुरीश्वर पाहिमाम्।
श्रीमूलाभिधयोगिवर्यरचितां श्रीत्यागराजस्तुतिं
नित्यं यः पठति प्रदोषसमये प्रातर्मुहुस्सादरम्।
सोमास्कन्दकृपावलोकनवशादिष्टानिहाप्त्वाऽन्तिमे
कैलासे परमे सुधाम्नि रमते पत्या शिवायाः सुधीः।

neelakandhara bhaalalochana baalachandrashiromane
kaalakaala kapaalamaala himaalayaachalajaapate.
shooladordhara moolashankara moolayogivarastuta
tyaagaraaja dayaanidhe kamalaapureeshvara paahi maam.
haarakund'alamaulikankana kinkineekri'tapannaga
veerakhad'ga kuberamitra kalatraputrasamaavri'ta.
naaradaadi muneendrasannuta naagacharmakri'taambara
tyaagaraaja dayaanidhe kamalaapureeshvara paahi maam.
bhootanaatha puraantakaatula bhuktimuktisukhaprada
sheetalaamri'tamandamaaruta sevyadivyakalevara.
lokanaayaka paakashaasana shokavaarana kaarana
tyaagaraaja dayaanidhe kamalaapureeshvara paahi maam.
shuddhamaddhalataalakaahalashankhadivyaravapriya
nri'ttageetarasajnya nityasugandhigaurashareera bho.
chaaruhaara suraasuraadhipapoojaneeyapadaambuja
tyaagaraaja dayaanidhe kamalaapureeshvara paahi maam.
ghoramohamahaandhakaaradivaakaraakhilashokahan
ekanaayaka paakashaasanapoojitaanghrisaroruha.
paapatoolahutaashanaakhilalokajanmasupoojita
tyaagaraaja dayaanidhe kamalaapureeshvara paahi maam.
sarparaajavibhoosha chinmaya hri'tsabhesha sadaashiva
nandibhri'ngiganeshavanditasundaraanghrisaroruha.
vedashekharasaudhasugraha naadaroopa dayaakara
tyaagaraaja dayaanidhe kamalaapureeshvara paahi maam.
pankajaasanasoota vedaturanga merusharaasana
bhaanuchandrarathaanga bhooratha sheshashaayishileemukha.
mandahaasakhileekri'tatripuraantakri'd bad'avaanala
tyaagaraaja dayaanidhe kamalaapureeshvara paahi maam.
divyaratnamahaasanaashaya merutulyamahaaratha
chhatrachaamarabarhibarhasamooha divyashiromane.
nityashuddha mahaavri'shadhvaja nirvikalpa niranjana
tyaagaraaja dayaanidhe kamalaapureeshvara paahi maam.
sarvalokavimohanaaspadatatpadaartha jagatpate
shaktivigraha bhaktadoota suvarnavarna vibhootiman.
paavakendudivaakaraaksha paraatparaamitakeertiman
tyaagaraaja dayaanidhe kamalaapureeshvara paahimaam.
taata matkri'tapaapavaaranasimha dakshabhayankara
daarukaavanataapasaadhipasundareejanamohaka.
vyaaghrapaadapatanjalistuta saardhachandra sashailaja
tyaagaraaja dayaanidhe kamalaapureeshvara paahimaam.
shreemoolaabhidhayogivaryarachitaam shreetyaagaraajastutim
nityam yah' pat'hati pradoshasamaye praatarmuhussaadaram.
somaaskandakri'paavalokanavashaadisht'aanihaaptvaa'ntime
kailaase parame sudhaamni ramate patyaa shivaayaah' sudheeh'.

Ramaswamy Sastry and Vighnesh Ghanapaathi

Other stotras