Shiva Mangala Stuti

भुवने सदोदितं हरं
गिरिशं नितान्तमङ्गलम्।
शिवदं भुजङ्गमालिनं
भज रे शिवं सनातनम्।
शशिसूर्यवह्निलोचनं
सदयं सुरात्मकं भृशम्।
वृषवाहनं कपर्दिनं
भज रे शिवं सनातनम्।
जनकं विशो यमान्तकं
महितं सुतप्तविग्रहम्।
निजभक्तचित्तरञ्जनं
भज रे शिवं सनातनम्।
दिविजं च सर्वतोमुखं
मदनायुताङ्गसुन्दरम्।
गिरिजायुतप्रियङ्करं
भज रे शिवं सनातनम्।
जनमोहकान्धनाशकं
भगदायकं भयापहम्।
रमणीयशान्तविग्रहं
भज रे शिवं सनातनम्।
परमं चराचरे हितं
श्रुतिवर्णितं गतागतम्।
विमलं च शङ्करं वरं
भज रे शिवं सनातनम्।

bhuvane sadoditam haram
girisham nitaantamangalam.
shivadam bhujangamaalinam
bhaja re shivam sanaatanam.
shashisooryavahnilochanam
sadayam suraatmakam bhri'sham.
vri'shavaahanam kapardinam
bhaja re shivam sanaatanam.
janakam visho yamaantakam
mahitam sutaptavigraham.
nijabhaktachittaranjanam
bhaja re shivam sanaatanam.
divijam cha sarvatomukham
madanaayutaangasundaram.
girijaayutapriyankaram
bhaja re shivam sanaatanam.
janamohakaandhanaashakam
bhagadaayakam bhayaapaham.
ramaneeyashaantavigraham
bhaja re shivam sanaatanam.
paramam charaachare hitam
shrutivarnitam gataagatam.
vimalam cha shankaram varam
bhaja re shivam sanaatanam.

 

Ramaswamy Sastry and Vighnesh Ghanapaathi

56.5K

Comments

Gma36
Phenomenal! 🙏🙏🙏🙏 -User_se91xo

Truly grateful for your dedication to preserving our spiritual heritage😇 -Parul Gupta

Thanks preserving and sharing our rich heritage! 👏🏽🌺 -Saurav Garg

Remarkable! ✨🌟👏 -User_se91ur

My favorite stotram -Ganesh Rao

Read more comments

Other stotras

Copyright © 2024 | Vedadhara | All Rights Reserved. | Designed & Developed by Claps and Whistles
| | | | |