Chandrasekhara Ashtakam

चन्द्रशेखर चन्द्रशेखर चन्द्रशेखर पाहि माम्।
चन्द्रशेखर चन्द्रशेखर चन्द्रशेखर रक्ष माम्।
रत्नसानुशरासनं रजताद्रिश‍ृङ्गनिकेतनं
सिञ्जिनीकृतपन्नगेश्वर- मच्युताननसायकम्।
क्षिप्रदग्धपुरत्रयं त्रिदिवालयैरभिवन्दितं
चन्द्रशेखरमाश्रये मम किं करिष्यति वै यमः।
पञ्चपादपपुष्पगन्ध- पदाम्बुजद्वयशोभितं
भाललोचनजातपावक- दग्धमन्मथविग्रहम्।
भस्मदिग्धकलेवरं भवनाशनं भवमव्ययं
चन्द्रशेखरमाश्रये मम किं करिष्यति वै यमः।
मत्तवारणमुख्यचर्म- कृतोत्तरीयमनोहरं
पङ्कजासनपद्मलोचन- पूजिताङ्घ्रिसरोरुहम्।
देवसिन्धुतरङ्गसीकर- सिक्तशुभ्रजटाधरं
चन्द्रशेखरमाश्रये मम किं करिष्यति वै यमः।
यक्षराजसखं भगाक्षहरं भुजङ्गविभूषणं
शैलराजसुतापरिष्कृत- चारुवामकलेवरम्।
क्ष्वेडनीलगलं परश्वधधारिणं मृगधारिणं
चन्द्रशेखरमाश्रये मम किं करिष्यति वै यमः।
कुण्डलीकृत- कुण्डलेश्वरकुण्डलं वृषवाहनं
नारदादिमुनीश्वर- स्तुतवैभवं भुवनेश्वरम्।
अन्धकान्धक- माश्रितामरपादपं शमनान्तकं
चन्द्रशेखरमाश्रये मम किं करिष्यति वै यमः।
भेषजं भवरोगिणामखिला- पदामपहारिणं
दक्षयज्ञविनाशनं त्रिगुणात्मकं त्रिविलोचनम्।
भुक्तिमुक्तिफलप्रदं सकलाघसङ्घनिबर्हणं
चन्द्रशेखरमाश्रये मम किं करिष्यति वै यमः।
भक्तवत्सलमर्चितं निधिमक्षयं हरिदम्बरं
सर्वभूतपतिं परात्परमप्रमेय- मनुत्तमम्।
सोमवारिदभूहुताशन- सोमपानिलखाकृतिं
चन्द्रशेखरमाश्रये मम किं करिष्यति वै यमः।
विश्वसृष्टिविधायिनं पुनरेव पालनतत्परं
संहरन्तमपि प्रपञ्चमशेषलोक- निवासिनम्।
क्रीडयन्तमहर्निशं गणनाथयूथसमन्वितं
चन्द्रशेखरमाश्रये मम किं करिष्यति वै यमः।
मृत्युभीतमृकण्ड- सूनुकृतस्तवं शिवसन्निधौ
यत्र कुत्र च यः पठेन्न हि तस्य मृत्युभयं भवेत् ।
पूर्णमायु- ररोगितामखिलार्थ- सम्पदमादरं
चन्द्रशेखर एव तस्य ददाति मुक्तिमयत्नतः।

chandrashekhara chandrashekhara chandrashekhara paahi maam.
chandrashekhara chandrashekhara chandrashekhara raksha maam.
ratnasaanusharaasanam rajataadrishri'nganiketanam
sinjineekri'tapannageshvara- machyutaananasaayakam.
kshipradagdhapuratrayam tridivaalayairabhivanditam
chandrashekharamaashraye mama kim karishyati vai yamah'.
panchapaadapapushpagandha- padaambujadvayashobhitam
bhaalalochanajaatapaavaka- dagdhamanmathavigraham.
bhasmadigdhakalevaram bhavanaashanam bhavamavyayam
chandrashekharamaashraye mama kim karishyati vai yamah'.
mattavaaranamukhyacharma- kri'tottareeyamanoharam
pankajaasanapadmalochana- poojitaanghrisaroruham.
devasindhutarangaseekara- siktashubhrajat'aadharam
chandrashekharamaashraye mama kim karishyati vai yamah'.
yaksharaajasakham bhagaakshaharam bhujangavibhooshanam
shailaraajasutaaparishkri'ta- chaaruvaamakalevaram.
kshved'aneelagalam parashvadhadhaarinam mri'gadhaarinam
chandrashekharamaashraye mama kim karishyati vai yamah'.
kund'aleekri'ta- kund'aleshvarakund'alam vri'shavaahanam
naaradaadimuneeshvara- stutavaibhavam bhuvaneshvaram.
andhakaandhaka- maashritaamarapaadapam shamanaantakam
chandrashekharamaashraye mama kim karishyati vai yamah'.
bheshajam bhavaroginaamakhilaa- padaamapahaarinam
dakshayajnyavinaashanam trigunaatmakam trivilochanam.
bhuktimuktiphalapradam sakalaaghasanghanibarhanam
chandrashekharamaashraye mama kim karishyati vai yamah'.
bhaktavatsalamarchitam nidhimakshayam haridambaram
sarvabhootapatim paraatparamaprameya- manuttamam.
somavaaridabhoohutaashana- somapaanilakhaakri'tim
chandrashekharamaashraye mama kim karishyati vai yamah'.
vishvasri'sht'ividhaayinam punareva paalanatatparam
samharantamapi prapanchamasheshaloka- nivaasinam.
kreed'ayantamaharnisham gananaathayoothasamanvitam
chandrashekharamaashraye mama kim karishyati vai yamah'.
mri'tyubheetamri'kand'a- soonukri'tastavam shivasannidhau
yatra kutra cha yah' pat'henna hi tasya mri'tyubhayam bhavet .
poornamaayu- rarogitaamakhilaartha- sampadamaadaram
chandrashekhara eva tasya dadaati muktimayatnatah'.

Ramaswamy Sastry and Vighnesh Ghanapaathi

Other stotras