Shiva Shatka Stotram

अमृतबलाहक- मेकलोकपूज्यं
वृषभगतं परमं प्रभुं प्रमाणम्।
गगनचरं नियतं कपालमालं
शिवमथ भूतदयाकरं भजेऽहम्।
गिरिशयमादिभवं महाबलं च
मृगकरमन्तकरं च विश्वरूपम्।
सुरनुतघोरतरं महायशोदं
शिवमथ भूतदयाकरं भजेऽहम्।
अजितसुरासुरपं सहस्रहस्तं
हुतभुजरूपचरं च भूतचारम्।
महितमहीभरणं बहुस्वरूपं
शिवमथ भूतदयाकरं भजेऽहम्।
विभुमपरं विदितदं च कालकालं
मदगजकोपहरं च नीलकण्ठम्।
प्रियदिविजं प्रथितं प्रशस्तमूर्तिं
शिवमथ भूतदयाकरं भजेऽहम्।
सवितृसमामित- कोटिकाशतुल्यं
ललितगुणैः सुयुतं मनुष्बीजम्।
श्रितसदयं कपिलं युवानमुग्रं
शिवमथ भूतदयाकरं भजेऽहम्।
वरसुगुणं वरदं सपत्ननाशं
प्रणतजनेच्छितदं महाप्रसादम्।
अनुसृतसज्जन- सन्महानुकम्पं
शिवमथ भूतदयाकरं भजेऽहम्।

amri'tabalaahaka- mekalokapoojyam
vri'shabhagatam paramam prabhum pramaanam.
gaganacharam niyatam kapaalamaalam
shivamatha bhootadayaakaram bhaje'ham.
girishayamaadibhavam mahaabalam cha
mri'gakaramantakaram cha vishvaroopam.
suranutaghorataram mahaayashodam
shivamatha bhootadayaakaram bhaje'ham.
ajitasuraasurapam sahasrahastam
hutabhujaroopacharam cha bhootachaaram.
mahitamaheebharanam bahusvaroopam
shivamatha bhootadayaakaram bhaje'ham.
vibhumaparam viditadam cha kaalakaalam
madagajakopaharam cha neelakant'ham.
priyadivijam prathitam prashastamoortim
shivamatha bhootadayaakaram bhaje'ham.
savitri'samaamita- kot'ikaashatulyam
lalitagunaih' suyutam manushbeejam.
shritasadayam kapilam yuvaanamugram
shivamatha bhootadayaakaram bhaje'ham.
varasugunam varadam sapatnanaasham
pranatajanechchhitadam mahaaprasaadam.
anusri'tasajjana- sanmahaanukampam
shivamatha bhootadayaakaram bhaje'ham.

Ramaswamy Sastry and Vighnesh Ghanapaathi

Other stotras