Parvati Pati Stuti
पार्वतीपतिं प्रभुं पिनाकिनं
मृत्युमृत्युमीश्वरं वृषध्वजम् ।
व्योमकेशमीशमुग्रदेहिनं
नीललोहितं जटाधरं भजे ।1।
त्र्यंबकं कपर्दिनं महेश्वरं
शूलिनं गिरीशमब्जशेखरम् ।
भानुकोटितुल्यमादिशङ्करं
सोमसूर्यवह्निलोचनं भजे ।2।
धूर्जटिं गुहाशयाम्बरं वरं
सर्वमङ्गलेश्वरं जगत्पतिम् ।
स्थाणुमन्धकान्तकं कपालिनं
कृत्तिवाससं हरं भवं भजे ।3।
चक्रपाणिशक्रधातृवन्दितं
दन्दशूकभूषणं कृपाकरम् ।
नन्दिवर्द्धनं जगद्विनाशकं
पांशुचन्दनं महानटं भजे ।4।
वामदेवमम्बिकामनःप्रियं
कामलोभमोहनाशकं सुरम् ।
स्वर्गमोक्षदायकं सदानघं
दक्षयज्ञहारकं शिवं भजे ।5।
paarvateepatim' prabhum' pinaakinam'
mri'tyumri'tyumeeshvaram' vri'shadhvajam .
vyomakeshameeshamugradehinam'
neelalohitam' jat'aadharam' bhaje .1.
tryambakam' kapardinam' maheshvaram'
shoolinam' gireeshamabjashekharam .
bhaanukot'itulyamaadishankaram'
somasooryavahnilochanam' bhaje .2.
dhoorjat'im' guhaashayaambaram' varam'
sarvamangaleshvaram' jagatpatim .
sthaanumandhakaantakam' kapaalinam'
kri'ttivaasasam' haram' bhavam' bhaje .3.
chakrapaanishakradhaatri'vanditam'
dandashookabhooshanam' kri'paakaram .
nandivarddhanam' jagadvinaashakam'
paam'shuchandanam' mahaanat'am' bhaje .4.
vaamadevamambikaamanah'priyam'
kaamalobhamohanaashakam' suram .
svargamokshadaayakam' sadaanagham'
dakshayajnyahaarakam' shivam' bhaje .5.
Other stotras
