ശങ്കര ഗുരു സ്തോത്രം
വേദധർമപരപ്രതിഷ്ഠിതികാരണം യതിപുംഗവം
കേരലേഭ്യ ഉപസ്ഥിതം ഭരതൈകഖണ്ഡസമുദ്ധരം.
ആഹിമാദ്രിപരാപരോക്ഷിത- വേദതത്ത്വവിബോധകം
സംശ്രയേ ഗുരുശങ്കരം ഭുവി ശങ്കരം മമ ശങ്കരം.
ശ്രൗതയജ്ഞസുലഗ്ന- മാനസയജ്വനാം മഹിതാത്മനാം
ചീർണകർമഫലാധി- സന്ധിനിരാസനേശസമർപണം.
നിസ്തുലം പരമാർഥദം ഭവതീതി ബോധനദായകം
സംശ്രയേ ഗുരുശങ്കരം ഭുവി ശങ്കരം മമ ശങ്കരം.
ഷണ്മതം ബഹുദൈവതം ഭവിതേതി ഭേദധിയാ ജനാഃ
ക്ലേശമാപ്യ നിരന്തരം കലഹായമാനവിധിക്രമം.
മാദ്രിയധ്വമിഹാസ്തി ദൈവതമേകമിത്യനുബോധദം
സംശ്രയേ ഗുരുശങ്കരം ഭുവി ശങ്കരം മമ ശങ്കരം.
ആദിമം പദമസ്തു ദേവസിഷേവിഷാ പരികീർതനാ-
ഽനന്തനാമസുവിസ്തരേണ ബഹുസ്തവപ്രവിധായകം.
തന്മനോജ്ഞപദേഷു തത്ത്വസുദായകം കരുണാംബുധിം
സംശ്രയേ ഗുരുശങ്കരം ഭുവി ശങ്കരം മമ ശങ്കരം.
ബാദരായണമൗനി- സന്തതസൂത്രഭാഷ്യമഹാകൃതിം
ബ്രഹ്മ നിർദ്വയമന്യദസ്തി മൃഷേതി സുസ്ഥിതിബോധദം.
സ്വീയതർകബലേന നിർജിതസർവവാദിമഹാപടും
സംശ്രയേ ഗുരുശങ്കരം ഭുവി ശങ്കരം മമ ശങ്കരം.
ആശ്രയം പരമം ഗുരോരഥ ലപ്സ്യതേ സ്തവനാദിതഃ
ശങ്കരസ്യ ഗുരോർവചഃസു നിബോധമർഹതി ഭക്തിമാൻ.
പ്രജ്ഞയോത്തമഭാവുകം തു ലഭേയ യത്കൃപയാ ഹി തം
സംശ്രയേ ഗുരുശങ്കരം ഭുവി ശങ്കരം മമ ശങ്കരം.
Recommended for you
ഗോകുലനായക അഷ്ടക സ്തോത്രം
നന്ദഗോപഭൂപവംശഭൂഷണം വിഭൂഷണം ഭൂമിഭൂതിഭുരി- ഭാഗ്യഭാജനം ഭയാപഹം. ധേനുധർമരക്ഷണാവ- തീർണപൂർണവിഗ്രഹം നീലവാരിവാഹ- കാന്തിഗോകുലേശമാശ്രയേ. ഗോപബാലസുന്ദരീ- ഗണാവൃതം കലാനിധിം രാസമണ്ഡലീവിഹാര- കാരികാമസുന്ദരം. പദ്മയോനിശങ്കരാദി- ദേവവൃന്ദവന്ദിതം നീലവാരിവാഹ- കാന്തിഗോകുലേശമാശ്രയ
Click here to know more..ലളിതാ സഹസ്രനാമം
അസ്യ ശ്രീലളിതാ സഹസ്രനാമ സ്തോത്ര മഹാമന്ത്രസ്യ വശിന്യാദി വാഗ്ദേവതാ ഋഷയഃ .
Click here to know more..പ്രണയത്തില്‍ വിജയത്തിനായി കാമദേവമന്ത്രം
കാമദേവായ വിദ്മഹേ പുഷ്പബാണായ ധീമഹി തന്നോഽനംഗഃ പ്രചോദയാത്
Click here to know more..
