അചതുരാനനമുസ്വഭുവം ഹരി-
മഹരമേവ സുനാദമഹേശ്വരം|
പരമമുജ്ജ്വലബിന്ദുസദാശിവം
പ്രണവകാരമഹം പ്രണമാമി തം|
അരചനാഖ്യകലാമുസുപാകലാ-
മകൃതിനാശകലാം ലയനാദഗാം|
പരമബിന്ദുരനുഗ്രഹഗാം കലാം
പ്രണവകാരമഹം പ്രണമാമി തം|
അഗണനാഥമുകാരജനാർദന-
മരവിമേവ സുനാദകലാംബികാം|
പരമബിന്ദുശിവം പരമേശ്വരം
പ്രണവകാരമഹം പ്രണമാമി തം|
അപൃഥിവീമുജലാമകൃശാനുകം
പരമനാദമയം പരബിന്ദുഖം|
ഭുവനബീജമഹാപരമേശ്വരം
പ്രണവകാരമഹം പ്രണമാമി തം|
അനിനദം ക്ഷിതിചക്രസമുദ്ഭവം
ഹൃദയചക്രജമുദ്ധ്വനിമുജ്ജ്വലം|
മഖജമേകസഹസ്രദലേ ഗതം
പ്രണവകാരമഹം പ്രണമാമി തം|
പുനരമാതൃമയം തദുമാനഗം
ശുഭമമേയമയം ത്രിഗുണാത്മകം|
പരമനാദപരാം പരബൈന്ദവം
പ്രണവകാരമഹം പ്രണമാമി തം|
ത്രിപുരധാമമയം പരമാത്മകം
പരമഹംസമയം ലയമോക്ഷദം|
സുനിയമാഗമതത്ത്വയുതം പ്രഭം
പ്രണവകാരമഹം പ്രണമാമി തം|
ഓങ്കാരം പരമാത്മകം ത്രിഗുണകം ചാംബാംബികാംബാലികാ-
രൂപം നാദമനാദിശക്തി- വിഭവാവിദ്യാസുവിദ്യായുതം|
ബിന്ദും ബ്രഹ്മമയം തദന്തരഗതാം ശ്രീസുന്ദരീം ചിന്മയീം
സാക്ഷാച്ഛ്രീപ്രണവം സദൈവ ശുഭദം നിത്യം പരം നൗമ്യഹം|
രവി അഷ്ടക സ്തോത്രം
ഉദയാദ്രിമസ്തകമഹാമണിം ലസത്- കമലാകരൈകസുഹൃദം മഹൗജസം. ഗദപങ....
Click here to know more..കല്പേശ്വര ശിവ സ്തോത്രം
ജീവേശവിശ്വസുരയക്ഷനൃരാക്ഷസാദ്യാഃ യസ്മിംസ്ഥിതാശ്ച ഖലു ....
Click here to know more..രക്ഷക്കുള്ള മന്ത്രം
ബൃഹസ്പതിർനഃ പരി പാതു പശ്ചാദുതോത്തരസ്മാദധരാദഘായോഃ. ഇന്....
Click here to know more..