തോടകാഷ്ടകം
വിദിതാഖിലശാസ്ത്രസുധാജലധേ
മഹിതോപനിഷത്കഥിതാർഥനിധേ।
ഹൃദയേ കലയേ വിമലം ചരണം
ഭവ ശങ്കരദേശിക മേ ശരണം।
കരുണാവരുണാലയ പാലയ മാം
ഭവസാഗരദുഃഖവിദൂനഹൃദം।
രചയാഖിലദർശനതത്ത്വവിദം
ഭവ ശങ്കരദേശിക മേ ശരണം।
ഭവതാ ജനതാ സുഹിതാ ഭവിതാ
നിജബോധവിചാരണചാരുമതേ।
കലയേശ്വരജീവവിവേകവിദം
ഭവ ശങ്കരദേശിക മേ ശരണം।
ഭവ ഏവ ഭവാനിതി മേ നിതരാം
സമജായത ചേതസി കൗതുകിതാ।
മമ വാരയ മോഹമഹാജലധിം
ഭവ ശങ്കരദേശിക മേ ശരണം।
സുകൃതേഽധികൃതേ ബഹുധാ ഭവതോ
ഭവിതാ സമദർശനലാലസതാ।
അതിദീനമിമം പരിപാലയ മാം
ഭവ ശങ്കരദേശിക മേ ശരണം।
ജഗതീമവിതും കലിതാകൃതയോ
വിചരന്തി മഹാമഹസശ്ഛലതഃ।
അഹിമാംശുരിവാത്ര വിഭാസി ഗുരോ
ഭവ ശങ്കരദേശിക മേ ശരണം।
ഗുരുപുംഗവ പുംഗവകേതന തേ
സമതാമയതന്നഹി കോഽപി സുധീഃ।
ശരണാഗതവത്സല തത്ത്വനിധേ
ഭവ ശങ്കരദേശിക മേ ശരണം।
വിദിതാ ന മയാ വിശദൈകകലാ
ന ച കിഞ്ചന കാഞ്ചനമസ്തി ഗുരോ ।
ദ്രുതമേവ വിധേഹി കൃപാം സഹജാം
ഭവ ശങ്കരദേശിക മേ ശരണം।
Recommended for you
ഹനുമാൻ മംഗല അഷ്ടക സ്തോത്രം
വൈശാഖേ മാസി കൃഷ്ണായാം ദശമ്യാം മന്ദവാസരേ. പൂർവാഭാദ്രപ്ര....
Click here to know more..നടരാജ സ്തോത്രം
ഹ്രീമത്യാ ശിവയാ വിരാണ്മയമജം ഹൃത്പങ്കജസ്ഥം സദാ ഹ്രീണാന....
Click here to know more..ഒരു നല്ല ദിവസത്തിനായി ഈ ഒരു പ്രാർത്ഥന മതിയാകും
Click here to know more..
