നമോ നമോ ഭാരതാംബേ
നമോ നമോ ഭാരതാംബേ സാരസ്വതശരീരിണി .
നമോഽസ്തു ജഗതാം വന്ദ്യേ ബ്രഹ്മവിദ്യാപ്രകാശിനി .
നമോ നമോ ഭാരതാംബേ ഹിമാലയകിരീടിനി .
ഗംഗാദ്യാഃ സരിതഃ സർവാഃ സ്തന്യം തേ വിശ്വപാവനി .
നമോ നമോ ഭാരതാംബേ ബദരീശണ്ഡമണ്ഡിതേ .
തീർഥീകുർവന്തി ലോകാംസ്തേ തീർഥഭൂതാ മുനീശ്വരാഃ .
നമോ നമോ ഭാരതാംബേ വിന്ധ്യതുംഗസ്തനായിതേ .
സമുദ്രവസനേ ദേവി സഹ്യമാലാവിരാജിതേ .
നമോ നമോ ഭാരതാംബേ മുക്തികേദാരരൂപിണി .
ജ്ഞാനബീജാകരേ പൂർണേ ഋഷീന്ദ്രതതിസേവിതേ .
നമോ നമോ ഭാരതാംബേ സർവവിദ്യാവിലാസിനി .
ഗൗഡമൈഥിലകാമ്പില്യദ്രവിഡാദിശരീരിണി .
നമോ നമോ ഭാരതാംബേ സർവതീർഥസ്വരൂപിണി .
കാശ്യാ ഹി കാശസേ മാതസ്ത്വം ഹി സർവപ്രകാശികാ .
നമോ നമോ ഭാരതാംബേ ഗുരുസ്ത്വം ജഗതാം പരാ .
വേദവേദാന്തഗംഭീരേ നിർവാണസുഖദായിനി .
യതിലോകപദന്യാസപവിത്രീകൃതപാംസവേ .
നമോഽസ്തു ജഗതാം ധാത്രി മോക്ഷമാർഗൈകസേതവേ .
Recommended for you
ദുർഗാ സ്തവം
സന്നദ്ധസിംഹസ്കന്ധസ്ഥാം സ്വർണവർണാം മനോരമാം. പൂർണേന്ദു....
Click here to know more..പഞ്ച ശ്ലോകീ ഗണേശ പുരാണം
ശ്രീവിഘ്നേശപുരാണസാരമുദിതം വ്യാസായ ധാത്രാ പുരാ തത്ഖണ്....
Click here to know more..ഹനുമാന്‍സ്വാമിയുടെ അനുഗ്രഹത്തിനുള്ള മന്ത്രം
ആഞ്ജനേയായ വിദ്മഹേ രാമദൂതായ ധീമഹി തന്നോ ഹനുമത്പ്രചോദയാ....
Click here to know more..
