ಶ್ರೀಭೂಮಿನೀಲಾಪರಿಸೇವ್ಯಮಾನಮನಂತಕೃಷ್ಣಂ ವರದಾಖ್ಯವಿಷ್ಣುಂ.
ಅಘೌಘವಿಧ್ವಂಸಕರಂ ಜನಾನಾಮಘಂಹರೇಶಂ ಪ್ರಭಜೇ ಸದಾಽಹಂ.
ತಿಷ್ಠನ್ ಸ್ವಧಿಷ್ಣ್ಯೇ ಪರಿತೋ ವಿಪಶ್ಯನ್ನಾನಂದಯನ್ ಸ್ವಾನಭಿರಾಮಮೂರ್ತ್ಯಾ.
ಯೋಽಘಂಹರಗ್ರಾಮಜನಾನ್ ಪುನೀತೇ ಹ್ಯನಂತಕೃಷ್ಣಂ ವರದೇಶಮೀಡೇ.
ಭಕ್ತಾನ್ ಜನಾನ್ ಪಾಲನದಕ್ಷಮೇಕಂ ವಿಭುಂ ಶ್ರಿಯಾಽಽಶ್ಲಿಷ್ಯತನುಂ ಮಹಾಂತಂ.
ಸುಪರ್ಣಪಕ್ಷೋಪರಿರೋಚಮಾನಮನಂತಕೃಷ್ಣಂ ವರದೇಶಮೀಡೇ.
ಸೂರ್ಯಸ್ಯ ಕಾಂತ್ಯಾ ಸದೃಶೈರ್ವಿರಾಜದ್ರತ್ನೈಃ ಸಮಾಲಂಕೃತವೇಷಭೂಷಂ.
ತಮೋ ವಿನಾಶಾಯ ಮುಹುರ್ಮುಹುಸ್ತ್ವಾಮನಂತಕೃಷ್ಣಂ ವರದೇಶಮೀಡೇ.
ಅನಂತಸಂಸಾರಸಮುದ್ರತಾರನೌಕಾಯಿತಂ ಶ್ರೀಪತಿಮಾನನಾಬ್ಜಂ.
ಅನಂತಭಕ್ತೈಃ ಪರಿದೃಶ್ಯಮಾನಮನಂತಕೃಷ್ಣಂ ವರದೇಶಮೀಡೇ.
ನಮಂತಿ ದೇವಾಃ ಸತತಂ ಯಮೇವ ಕಿರೀಟಿನಂ ಗದಿನಂ ಚಕ್ರಿಣಂ ತಂ.
ವೈಖಾನಸೈಃ ಸೂರಿಭಿರರ್ಚಯಂತಮನಂತಕೃಷ್ಣಂ ವರದೇಶಮೀಡೇ.
ತನೋತಿ ದೇವಃ ಕೃಪಯಾ ವರಾನ್ ಯಶ್ಚಿರಾಯುಷಂ ಭೂತಿಮನನ್ಯಸಿದ್ಧಿಂ.
ತಂ ದೇವದೇವಂ ವರದಾನದಕ್ಷಮನಂತಕೃಷ್ಣಂ ವರದೇಶಮೀಡೇ.
ಕೃಷ್ಣಂ ನಮಸ್ಕೃತ್ಯ ಮಹಾಮುನೀಂದ್ರಾಃ ಸ್ವಾನಂದತುಷ್ಟಾ ವಿಗತಾನ್ಯವಾಚಃ.
ತಂ ಸ್ವಾನುಭೂತ್ಯೈ ಭವಪಾದ್ಮವಂದ್ಯಮನಂತಕೃಷ್ಣಂ ವರದೇಶಮೀಡೇ.
ಅನಂತಕೃಷ್ಣಸ್ಯ ಕೃಪಾವಲೋಕಾದಘಂಹರಗ್ರಾಮಜದೀಕ್ಷಿತೇನ.
ಸುಸೂಕ್ತಿಮಾಲಾಂ ರಚಿತಾಂ ಮನೋಜ್ಞಾಂ ಗೃಹ್ಣಾತು ದೇವೋ ವರದೇಶವಿಷ್ಣುಃ.
ಗಣೇಶ ಪಂಚಚಾಮರ ಸ್ತೋತ್ರ
ಲಲಾಟಪಟ್ಟಲುಂಠಿತಾಮಲೇಂದುರೋಚಿರುದ್ಭಟೇ ವೃತಾತಿವರ್ಚರಸ್ವರೋತ....
Click here to know more..ಶಿವ ಲಹರೀ ಸ್ತೋತ್ರ
ಸಿದ್ಧಿಬುದ್ಧಿಪತಿಂ ವಂದೇ ಶ್ರೀಗಣಾಧೀಶ್ವರಂ ಮುದಾ. ತಸ್ಯ ಯೋ ವಂದ....
Click here to know more..ಅಧ್ಯಯನ ಮತ್ತು ಪರೀಕ್ಷೆಯಲ್ಲಿ ಯಶಸ್ಸು - ಸರಸ್ವತಿ ಮಂತ್ರ
ಓಂ ಹ್ರೀಂ ಐಂ ಸರಸ್ವತ್ಯೈ ನಮಃ....
Click here to know more..