ಅಷ್ಟ ಮಹಿಷೀ ಕೃಷ್ಣ ಸ್ತೋತ್ರ
ಹೃದ್ಗುಹಾಶ್ರಿತಪಕ್ಷೀಂದ್ರ- ವಲ್ಗುವಾಕ್ಯೈಃ ಕೃತಸ್ತುತೇ.
ತದ್ಗರುತ್ಕಂಧರಾರೂಢ ರುಕ್ಮಿಣೀಶ ನಮೋಽಸ್ತು ತೇ.
ಅತ್ಯುನ್ನತಾಖಿಲೈಃ ಸ್ತುತ್ಯ ಶ್ರುತ್ಯಂತಾತ್ಯಂತಕೀರ್ತಿತ.
ಸತ್ಯಯೋಜಿತಸತ್ಯಾತ್ಮನ್ ಸತ್ಯಭಾಮಾಪತೇ ನಮಃ.
ಜಾಂಬವತ್ಯಾಃ ಕಂಬುಕಂಠಾಲಂಬ- ಜೃಂಭಿಕರಾಂಬುಜ.
ಶಂಭುತ್ರ್ಯಂಬಕಸಂಭಾವ್ಯ ಸಾಂಬತಾತ ನಮೋಽಸ್ತು ತೇ.
ನೀಲಾಯ ವಿಲಸದ್ಭೂಷಾ- ಜಲಯೋಜ್ಜ್ವಾಲಮಾಲಿನೇ.
ಲೋಲಾಲಕೋದ್ಯತ್ಫಾಲಾಯ ಕಾಲಿಂದೀಪತಯೇ ನಮಃ.
ಜೈತ್ರಚಿತ್ರಚರಿತ್ರಾಯ ಶಾತ್ರವಾನೀಕಮೃತ್ಯವೇ.
ಮಿತ್ರಪ್ರಕಾಶಾಯ ನಮೋ ಮಿತ್ರವಿಂದಾಪ್ರಿಯಾಯ ತೇ.
ಬಾಲನೇತ್ರೋತ್ಸವಾನಂತ- ಲೀಲಾಲಾವಣ್ಯಮೂರ್ತಯೇ.
ನೀಲಾಕಾಂತಾಯ ತೇ ಭಕ್ತವಾಲಾಯಾಸ್ತು ನಮೋ ನಮಃ.
ಭದ್ರಾಯ ಸ್ವಜನಾವಿದ್ಯಾನಿದ್ರಾ- ವಿದ್ರವಣಾಯ ವೈ.
ರುದ್ರಾಣೀಭದ್ರಮೂಲಾಯ ಭದ್ರಾಕಾಂತಾಯ ತೇ ನಮಃ.
ರಕ್ಷಿತಾಖಿಲವಿಶ್ವಾಯ ಶಿಕ್ಷಿತಾಖಿಲರಕ್ಷಸೇ.
ಲಕ್ಷಣಾಪತಯೇ ನಿತ್ಯಂ ಭಿಕ್ಷುಶ್ಲಕ್ಷ್ಣಾಯ ತೇ ನಮಃ.
Recommended for you
ಏಕ ಶ್ಲೋಕೀ ಭಾಗವತಂ
ಆದೌ ದೇವಕಿದೇವಿಗರ್ಭಜನನಂ ಗೋಪೀಗೃಹೇ ವರ್ಧನಂ ಮಾಯಾಪೂತನಜೀವಿತಾ....
Click here to know more..ಭಯಹಾರಕ ಶಿವ ಸ್ತೋತ್ರ
ವ್ಯೋಮಕೇಶಂ ಕಾಲಕಾಲಂ ವ್ಯಾಲಮಾಲಂ ಪರಾತ್ಪರಂ| ದೇವದೇವಂ ಪ್ರಪನ್ನೋ....
Click here to know more..ನಟರು ಮತ್ತು ಮಾಡೆಲ್‌ಗಳಿಗೆ ಯಶಸ್ಸನ್ನು ನೀಡುವ ಕಾಮದೇವ್ ಮಂತ್ರ
ನಮಃ ಕಾಮದೇವಾಯ ಸರ್ವಜನಪ್ರಿಯಾಯ ಸರ್ವಜನಸಮ್ಮೋಹನಾಯ ಜ್ವಲ ಜ್ವಲ ಪ....
Click here to know more..
