ಮುರಾರಿ ಸ್ತುತಿ
ಇಂದೀವರಾಖಿಲ- ಸಮಾನವಿಶಾಲನೇತ್ರೋ
ಹೇಮಾದ್ರಿಶೀರ್ಷಮುಕುಟಃ ಕಲಿತೈಕದೇವಃ.
ಆಲೇಪಿತಾಮಲ- ಮನೋಭವಚಂದನಾಂಗೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.
ಸತ್ಯಪ್ರಿಯಃ ಸುರವರಃ ಕವಿತಾಪ್ರವೀಣಃ
ಶಕ್ರಾದಿವಂದಿತಸುರಃ ಕಮನೀಯಕಾಂತಿಃ.
ಪುಣ್ಯಾಕೃತಿಃ ಸುವಸುದೇವಸುತಃ ಕಲಿಘ್ನೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.
ನಾನಾಪ್ರಕಾರಕೃತ- ಭೂಷಣಕಂಠದೇಶೋ
ಲಕ್ಷ್ಮೀಪತಿರ್ಜನ- ಮನೋಹರದಾನಶೀಲಃ.
ಯಜ್ಞಸ್ವರೂಪಪರಮಾಕ್ಷರ- ವಿಗ್ರಹಾಖ್ಯೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.
ಭೀಷ್ಮಸ್ತುತೋ ಭವಭಯಾಪಹಕಾರ್ಯಕರ್ತಾ
ಪ್ರಹ್ಲಾದಭಕ್ತವರದಃ ಸುಲಭೋಽಪ್ರಮೇಯಃ.
ಸದ್ವಿಪ್ರಭೂಮನುಜ- ವಂದ್ಯರಮಾಕಲತ್ರೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.
ನಾರಾಯಣೋ ಮಧುರಿಪುರ್ಜನಚಿತ್ತಸಂಸ್ಥಃ
ಸರ್ವಾತ್ಮಗೋಚರಬುಧೋ ಜಗದೇಕನಾಥಃ.
ತೃಪ್ತಿಪ್ರದಸ್ತರುಣ- ಮೂರ್ತಿರುದಾರಚಿತ್ತೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.
Recommended for you
ಗಜಾನನ ನಾಮಾವಲಿ ಸ್ತೋತ್ರ
ಓಂ ಗಣಂಜಯೋ ಗಣಪತಿರ್ಹೇರಂಬೋ ಧರಣೀಧರಃ.ಓಂ ಗಣಂಜಯೋ ಗಣಪತಿರ್ಹೇರಂಬ....
Click here to know more..ಶಿವ ಪಂಚಾಕ್ಷರ ಸ್ತೋತ್ರಂ
ನಾಗೇಂದ್ರಹಾರಾಯ ತ್ರಿಲೋಚನಾಯ ಭಸ್ಮಾಂಗರಾಗಾಯ ಮಹೇಶ್ವರಾಯ. ನಿತ್....
Click here to know more..ಸಮೃದ್ಧಿಗಾಗಿ ಕಾಮಧೇನು ಮಂತ್ರ
ಶುಭಕಾಮಾಯೈ ವಿದ್ಮಹೇ ಕಾಮದಾತ್ರ್ಯೈ ಚ ಧೀಮಹಿ . ತನ್ನೋ ಧೇನುಃ ಪ್ರಚ....
Click here to know more..
