ವೇದವ್ಯಾಸ ಅಷ್ಟಕ ಸ್ತೋತ್ರ
ಸುಜನೇ ಮತಿತೋ ವಿಲೋಪಿತೇ ನಿಖಿಲೇ ಗೌತಮಶಾಪತೋಮರೈಃ.
ಕಮಲಾಸನಪೂರ್ವಕೈಸ್ಸ್ತತೋ ಮತಿದೋ ಮೇಸ್ತು ಸ ಬಾದರಾಯಣಃ.
ವಿಮಲೋಽಪಿ ಪರಾಶರಾದಭೂದ್ಭುವಿ ಭಕ್ತಾಭಿಮತಾರ್ಥ ಸಿದ್ಧಯೇ.
ವ್ಯಭಜದ್ ಬಹುಧಾ ಸದಾಗಮಾನ್ ಮತಿದೋ ಮೇಸ್ತು ಸ ಬಾದರಾಯಣಃ.
ಸುತಪೋಮತಿಶಾಲಿಜೈಮಿನಿ- ಪ್ರಮುಖಾನೇಕವಿನೇಯಮಂಡಿತಃ.
ಉರುಭಾರತಕೃನ್ಮಹಾಯಶಾ ಮತಿದೋ ಮೇಸ್ತು ಸ ಬಾದರಾಯಣಃ.
ನಿಖಿಲಾಗಮನಿರ್ಣಯಾತ್ಮಕಂ ವಿಮಲಂ ಬ್ರಹ್ಮಸುಸೂತ್ರಮಾತನೋತ್.
ಪರಿಹೃತ್ಯ ಮಹಾದುರಾಗಮಾನ್ ಮತಿದೋ ಮೇಸ್ತು ಸ ಬಾದರಾಯಣಃ.
ಬದರೀತರುಮಂಡಿತಾಶ್ರಮೇ ಸುಖತೀರ್ಥೇಷ್ಟವಿನೇಯದೇಶಿಕಃ.
ಉರುತದ್ಭಜನಪ್ರಸನ್ನಹೃನ್ಮತಿದೋ ಮೇಸ್ತು ಸ ಬಾದರಾಯಣಃ.
ಅಜಿನಾಂಬರರೂಪಯಾ ಕ್ರಿಯಾಪರಿವೀತೋ ಮುನಿವೇಷಭೂಷಿತಃ.
ಮುನಿಭಾವಿತಪಾದಪಂಕಜೋ ಮತಿದೋ ಮೇಸ್ತು ಸ ಬಾದರಾಯಣಃ.
ಕನಕಾಭಜಟೋ ರವಿಚ್ಛವಿರ್ಮುಖಲಾವಣ್ಯಜಿತೇಂದುಮಂಡಲಃ.
ಸುಖತೀರ್ಥದಯಾನಿರೀಕ್ಷಣೋ ಮತಿದೋ ಮೇಸ್ತು ಸ ಬಾದರಾಯಣಃ.
ಸುಜನೋದ್ಧರಣಕ್ಷಣಸ್ವಕಪ್ರತಿಮಾಭೂತಶಿಲಾಷ್ಟಕಂ ಸ್ವಯಂ.
ಪರಿಪೂರ್ಣಧಿಯೇ ದದೌ ಹಿ ಯೋ ಮತಿದೋ ಮೇಸ್ತು ಸ ಬಾದರಾಯಣಃ.
ವೇದವ್ಯಾಸಾಷ್ಟಕಸ್ತುತ್ಯಾ ಮುದ್ಗಲೇನ ಪ್ರಣೀತಯಾ.
ಗುರುಹೃತ್ಪದ್ಮಸದ್ಮಸ್ಥೋ ವೇದವ್ಯಾಸಃ ಪ್ರಸೀದತು.
Recommended for you
ಅಚ್ಯುತಾಷ್ಟಕಂ
ಅಚ್ಯುತಂ ಕೇಶವಂ ರಾಮನಾರಾಯಣಂ ಕೃಷ್ಣದಾಮೋದರಂ ವಾಸುದೇವಂ ಹರಿಂ. ಶ....
Click here to know more..ಪಾಂಡುರಂಗ ಅಷ್ಟಕ
ಮಹಾಯೋಗಪೀಠೇ ತಟೇ ಭೀಮರಥ್ಯಾ ವರಂ ಪುಂಡರೀಕಾಯ ದಾತುಂ ಮುನೀಂದ್ರೈಃ....
Click here to know more..ರಕ್ಷಣೆಗಾಗಿ ಚಂಡಿಕಾ ಮಂತ್ರ
ಚಂಡೇಶ್ವರ್ಯೈ ಚ ವಿದ್ಮಹೇ ಮಹಾದೇವ್ಯೈ ಚ ಧೀಮಹಿ . ತನ್ನಃ ಚಂಡೀ ಪ್ರ....
Click here to know more..
