వేదవ్యాస అష్టక స్తోత్రం
సుజనే మతితో విలోపితే నిఖిలే గౌతమశాపతోమరైః.
కమలాసనపూర్వకైస్స్తతో మతిదో మేస్తు స బాదరాయణః.
విమలోఽపి పరాశరాదభూద్భువి భక్తాభిమతార్థ సిద్ధయే.
వ్యభజద్ బహుధా సదాగమాన్ మతిదో మేస్తు స బాదరాయణః.
సుతపోమతిశాలిజైమిని- ప్రముఖానేకవినేయమండితః.
ఉరుభారతకృన్మహాయశా మతిదో మేస్తు స బాదరాయణః.
నిఖిలాగమనిర్ణయాత్మకం విమలం బ్రహ్మసుసూత్రమాతనోత్.
పరిహృత్య మహాదురాగమాన్ మతిదో మేస్తు స బాదరాయణః.
బదరీతరుమండితాశ్రమే సుఖతీర్థేష్టవినేయదేశికః.
ఉరుతద్భజనప్రసన్నహృన్మతిదో మేస్తు స బాదరాయణః.
అజినాంబరరూపయా క్రియాపరివీతో మునివేషభూషితః.
మునిభావితపాదపంకజో మతిదో మేస్తు స బాదరాయణః.
కనకాభజటో రవిచ్ఛవిర్ముఖలావణ్యజితేందుమండలః.
సుఖతీర్థదయానిరీక్షణో మతిదో మేస్తు స బాదరాయణః.
సుజనోద్ధరణక్షణస్వకప్రతిమాభూతశిలాష్టకం స్వయం.
పరిపూర్ణధియే దదౌ హి యో మతిదో మేస్తు స బాదరాయణః.
వేదవ్యాసాష్టకస్తుత్యా ముద్గలేన ప్రణీతయా.
గురుహృత్పద్మసద్మస్థో వేదవ్యాసః ప్రసీదతు.
Recommended for you
వేంకటేశ అష్టక స్తుతి
యో లోకరక్షార్థమిహావతీర్య వైకుంఠలోకాత్ సురవర్యవర్యః. శ....
Click here to know more..సుందరేశ్వర స్తోత్రం
శ్రీపాండ్యవంశమహితం శివరాజరాజం భక్తైకచిత్తరజనం కరుణాప....
Click here to know more..జ్ఞానం కోసం అన్నపూర్ణా దేవి మంత్రం
అన్నపూర్ణే సదా పూర్ణే శంకరప్రాణవల్ల్భే . జ్ఞానవైరాగ్య....
Click here to know more..
