శంకరాచార్య కరావలంబ స్తోత్రం

ఓమిత్యశేషవిబుధాః శిరసా యదాజ్ఞాం
సంబిభ్రతే సుమమయీమివ నవ్యమాలాం.
ఓంకారజాపరతలభ్యపదాబ్జ స త్వం
శ్రీశంకరార్య మమ దేహి కరావలంబం|
నమ్రాలిహృత్తిమిరచండమయూఖమాలిన్
కమ్రస్మితాపహృతకుందసుధాంశుదర్ప.
సమ్రాట యదీయదయయా ప్రభవేద్దరిద్రః
శ్రీశంకరార్య మమ దేహి కరావలంబం|
మస్తే దురక్షరతతిర్లిఖితా విధాత్రా
జాగర్తు సాధ్వసలవోఽపి న మేఽస్తి తస్యాః.
లుంపామి తే కరుణయా కరుణాంబుధే తాం
శ్రీశంకరార్య మమ దేహి కరావలంబం|
శంపాలతాసదృశభాస్వరదేహయుక్త
సంపాదయామ్యఖిలశాస్త్రధియం కదా వా.
శంకానివారణపటో నమతాం నరాణాం
శ్రీశంకరార్య మమ దేహి కరావలంబం|
కందర్పదర్పదలనం కితవైరగమ్యం
కారుణ్యజన్మభవనం కృతసర్వరక్షం.
కీనాశభీతిహరణం శ్రితవానహం త్వాం
శ్రీశంకరార్య మమ దేహి కరావలంబం|
రాకాసుధాకరసమానముఖప్రసర్ప-
ద్వేదాంతవాక్యసుధయా భవతాపతప్తం.
సంసిచ్య మాం కరుణయా గురురాజ శీఘ్రం
శ్రీశంకరార్య మమ దేహి కరావలంబం|
యత్నం వినా మధుసుధాసురదీర్ఘికావ-
ధీరిణ్య ఆశు వృణతే స్వయమేవ వాచః.
తం త్వత్పదాబ్జయుగలం బిభృతే హృదా యః
శ్రీశంకరార్య మమ దేహి కరావలంబం|
విక్రీతా మధునా నిజా మధురతా దత్తా ముదా ద్రాక్షయా
క్షీరైః పాత్రధియాఽర్పితా యుధి జితాల్లబ్ధా బలాదిక్షుతః.
న్యస్తా చోరభయేన హంత సుధయా యస్మాదతస్తద్గిరాం
మాధుర్యస్య సమృద్ధిరద్భుతతరా నాన్యత్ర సా వీక్ష్యతే.