രാധാ നായക സ്തോത്രം
വൃന്ദാവനേ കല്പതരോഃ സുമൂലേ
ഗോഗോപികാവൃന്ദവൃതം സുരേശം .
വംശീകരം ലോകവശീകരം ച
രാധാധവം തം പ്രണമാമി കൃഷ്ണം .
യസ്യൈവ ബിംബം പരിദൃശ്യതേഽഥ
രാധാ യദാ പശ്യതി ശുദ്ധതോയേ .
രാധാർദ്ധഭാഗം മഹനീയരൂപം
രാധാധവം തം പ്രണമാമി കൃഷ്ണം .
സുഹോലികാപർവണി ദിവ്യവർണ-
വിലേപനായാഽപി നിസൃഷ്ടപാണിം .
രാധാകപോലേ സസുഖം സഹാർദം
രാധാധവം തം പ്രണമാമി കൃഷ്ണം .
രാധാസ്തനന്യസ്തസുചന്ദനേന
വിലിപ്തവക്ഷസ്ഥലമേകഭാവം .
രാധാകരസ്ഥാപിതദക്ഷഹസ്തം
രാധാധവം തം പ്രണമാമി കൃഷ്ണം .
സത്പ്രേമഭാവാശ്രയരൂപമേകം
ശിഖീന്ദ്രപിഞ്ഛാശിഖമാദിഭൂതം .
സുപുഷ്പമാലം സമഭാവമൂലം
രാധാധവം തം പ്രണമാമി കൃഷ്ണം .
കൃഷ്ണാപവിത്രീകൃതശുദ്ധഭൂമൗ
ശ്രീരാധികാനർതനനേത്രതൃഷ്ണം .
തത്പാദവച്ചഞ്ചലനേത്രമീശം
രാധാധവം തം പ്രണമാമി കൃഷ്ണം .
സ്വകണ്ഠദേശസ്ഥിതഹേമമാലാ-
മാരോപയൻ തുഷ്യതി രാധികായാഃ .
കണ്ഠേ വിശാലാം സുമഗന്ധയുക്താം
രാധാധവം തം പ്രണമാമി കൃഷ്ണം .
ഘടേ ജലസ്യാനയനായ രാധാ
നദീം യദാ ഗച്ഛതി യസ്തദാനീം .
പ്രേമ്ണാ കടിന്യസ്തകരാഗ്രഭാഗോ
രാധാധവം തം പ്രണമാമി കൃഷ്ണം .
സുവേണുവാദ്യം കരയോർഗൃഹീത്വാ
യഃ പ്രേമഗീതം മധുരം സരാധം .
പ്രവാദയത്യാശ്രിതഭക്തതുഷ്ട്യൈ
രാധാധവം തം പ്രണമാമി കൃഷ്ണം .
രാത്രൗ ഭൃശം ശാരദപൂർണിമായാം
സ്വാങ്കേ ശയാനാം വൃഷഭാനുജാതാം .
സ്പൃശന്തമേകേന കരേണ മൂർധ്നി
രാധാധവം തം പ്രണമാമി കൃഷ്ണം .
Other stotras
