മുരാരി സ്തുതി
ഇന്ദീവരാഖില- സമാനവിശാലനേത്രോ
ഹേമാദ്രിശീർഷമുകുടഃ കലിതൈകദേവഃ.
ആലേപിതാമല- മനോഭവചന്ദനാംഗോ
ഭൂതിം കരോതു മമ ഭൂമിഭവോ മുരാരിഃ.
സത്യപ്രിയഃ സുരവരഃ കവിതാപ്രവീണഃ
ശക്രാദിവന്ദിതസുരഃ കമനീയകാന്തിഃ.
പുണ്യാകൃതിഃ സുവസുദേവസുതഃ കലിഘ്നോ
ഭൂതിം കരോതു മമ ഭൂമിഭവോ മുരാരിഃ.
നാനാപ്രകാരകൃത- ഭൂഷണകണ്ഠദേശോ
ലക്ഷ്മീപതിർജന- മനോഹരദാനശീലഃ.
യജ്ഞസ്വരൂപപരമാക്ഷര- വിഗ്രഹാഖ്യോ
ഭൂതിം കരോതു മമ ഭൂമിഭവോ മുരാരിഃ.
ഭീഷ്മസ്തുതോ ഭവഭയാപഹകാര്യകർതാ
പ്രഹ്ലാദഭക്തവരദഃ സുലഭോഽപ്രമേയഃ.
സദ്വിപ്രഭൂമനുജ- വന്ദ്യരമാകലത്രോ
ഭൂതിം കരോതു മമ ഭൂമിഭവോ മുരാരിഃ.
നാരായണോ മധുരിപുർജനചിത്തസംസ്ഥഃ
സർവാത്മഗോചരബുധോ ജഗദേകനാഥഃ.
തൃപ്തിപ്രദസ്തരുണ- മൂർതിരുദാരചിത്തോ
ഭൂതിം കരോതു മമ ഭൂമിഭവോ മുരാരിഃ.
Recommended for you
ദുർഗാ സപ്തശ്ലോകീ
ജ്ഞാനിനാമപി ചേതാംസി ദേവീ ഭഗവതീ ഹി സാ. ബലാദാകൃഷ്യ മോഹായ മ....
Click here to know more..ഏകദന്ത സ്തുതി
ഗണേശമേകദന്തം ച ഹേരംബം വിഘ്നനായകം. ലംബോദരം ശൂർപകർണം ഗജവ....
Click here to know more..പഠനത്തില്‍ വിജയത്തിന് സരസ്വതി മന്ത്രം
ഓം വാം ശ്രീം ഹ്രീം സ്ഫ്യേം ഹ്യൗം സ്വാഹാ.....
Click here to know more..
