കേശവം കേശിമഥനം വാസുകേർനോഗശായിനം .
രാസക്രീഡാവിലാസാഢ്യം കൃഷ്ണം വന്ദേ ജഗദ്ഗുരും ..
നാരായണം നരഹരിം നാരദാദിഭിരർചിതം .
താരകം ഭവബന്ധാനാം കൃഷ്ണം വന്ദേ ജഗദ്ഗുരും ..
മാധവം മധുരാവാസം ഭൂധരോദ്ധാരകം വിഭും .
ആധാരം സർവഭൂതാനാം കൃഷ്ണം വന്ദേ ജഗദ്ഗുരും ..
ഗോവിന്ദമിന്ദുവദനം ശ്രീവന്ദ്യചരണാംബുജം .
നവേന്ദീവരസങ്കാശം കൃഷ്ണം വന്ദേ ജഗദ്ഗുരും ..
വിഷ്ണുമുഷ്ണീഷഭൂഷാഢ്യം ജിഷ്ണും ദാനവമർദനം .
തൃഷ്ണാഭയപ്രഭേത്താരം കൃഷ്ണം വന്ദേ ജഗദ്ഗുരും ..
മധുസൂദനം വിധിനുതം ബുധമാനസവാസിതം .
ദധിചോരം മഹാഭാഗം കൃഷ്ണം വന്ദേ ജഗദ്ഗുരും ..
ത്രിവിക്രമം ത്രിലോകേശം വൃഷാദ്യദിതിജൈർനുതം .
കവിം പുരാണപുരുഷം കൃഷ്ണം വന്ദേ ജഗദ്ഗുരും ..
വാമനം ശ്രീമദാകാരം കാമിതാർഥഫലപ്രദം .
രാമാനുജം സാമലോലം കൃഷ്ണം വന്ദേ ജഗദ്ഗുരും ..
ശ്രീധരം ശ്രീധരാനുതം രാധേയാദ്യൈർനുതം ഹരിം .
രാധാവിഡംബനാസക്തം കൃഷ്ണം വന്ദേ ജഗദ്ഗുരും ..
ഹൃഷീകേശം വിഷാവാസം ഭിഷജം ഭവരോഗിണാം .
തുഷാരാദ്രിസുതാവന്ദ്യം കൃഷ്ണം വന്ദേ ജഗദ്ഗുരും ..
പദ്മനാഭം പദ്മനേത്രം പദ്മാഹൃത്പദ്മബംഭരം .
ആധ്മാതമുരലീലോലം കൃഷ്ണം വന്ദേ ജഗദ്ഗുരും ..
ദാമോദരം ശ്യാമലാംഗം സോമസൂര്യവിലോചനം .
ചാമീകരാംബരധരം കൃഷ്ണം വന്ദേ ജഗദ്ഗുരും ..
സങ്കർഷണം വേങ്കടേശം ഓങ്കാരാകാരമവ്യയം .
ശംഖചക്രഗദാപാണിം കൃഷ്ണം വന്ദേ ജഗദ്ഗുരും ..
വാസുദേവം വ്യാസനുതം ഭാസുരാഭരണോജ്ജ്വലം .
ദാസപോഷണസംസക്തം കൃഷ്ണം വന്ദേ ജഗദ്ഗുരും ..
പ്രദ്യുമ്നമാമ്നായമയം ഖദ്യോതനമയാർചിതം .
വൈദ്യനാഥം പ്രപഞ്ചാസ്യം കൃഷ്ണം വന്ദേ ജഗദ്ഗുരും ..
അനിരുദ്ധം ധ്രുവനുതം ശുദ്ധസങ്കല്പമവ്യയം .
ശുദ്ധബ്രഹ്മാനന്ദരൂപം കൃഷ്ണം വന്ദേ ജഗദ്ഗുരും ..
നരോത്തമം പുരാണേശം മുരദാനവവൈരിണം .
കരുണാവരുണാവാസം കൃഷ്ണം വന്ദേ ജഗദ്ഗുരും ..
അധോക്ഷജം സുധാലാപം ബുവമാനസവാസിനം .
അധികാനുഗ്രഹം രക്ഷം കൃഷ്ണം വന്ദേ ജഗദ്ഗുരും ..
നാരസിംഹ ദാരുണാസ്യം ക്ഷീരാംബുധിനികേതനം .
വീരാഗ്രേസരമാനന്ദം കൃഷ്ണം വന്ദേ ജഗദ്ഗുരും ..
അച്യുതം കച്ഛപാകാരമുജ്ജ്വലം കുണ്ഡലോജ്ജ്വലം .
സച്ചിദാനന്ദരൂപം ച കൃഷ്ണം വന്ദേ ജഗദ്ഗുരും ..
ജനാർദനം ഘനാകാരം സനാതനതമം വിഭും .
വിനായകപതിം നാഥം കൃഷ്ണം വന്ദേ ജഗദ്ഗുരും ..
ഉപേന്ദ്രമിന്ദ്രാവരജം കവീന്ദ്രനുതവിഗ്രഹം .
കവിം പുരാണപുരുഷം കൃഷ്ണം വന്ദേ ജഗദ്ഗുരും ..
ഹരിം സുരാസുരനുതം ദുരാലോകം ദുരീക്ഷണം .
പരേശം മുരസംഹാരം കൃഷ്ണം വന്ദേ ജഗദ്ഗുരും ..
ശ്രീകൃഷ്ണം ഗോകുലാവാസം സാകേതപുരവാസിനം .
ആകാശകാലദിഗ്രൂപം കൃഷ്ണം വന്ദേ ജഗദ്ഗുരും ..
കൃഷ്ണസ്തോത്രം ചതുർവിംശമേതത് സന്നാമഗർഭിതം .
യഃ പഠേത് പ്രാതരുത്ഥായ സർവപാപൈഃ പ്രമുച്യതേ ..
ശങ്കര ഗുരു സ്തോത്രം
വേദധർമപരപ്രതിഷ്ഠിതികാരണം യതിപുംഗവം കേരലേഭ്യ ഉപസ്ഥിതം....
Click here to know more..പരശുരാമ സ്തോത്രം
കരാഭ്യാം പരശും ചാപം ദധാനം രേണുകാത്മജം. ജാമദഗ്ന്യം ഭജേ ര....
Click here to know more..കൃഷ്ണയജുര്വേദത്തിലെ ശ്രീരുദ്രം