കൃഷ്ണ ജന്മ സ്തുതി

രൂപം യത്തത്പ്രാഹുരവ്യക്തമാദ്യം ബ്രഹ്മജ്യോതിർനിർഗുണം നിർവികാരം.
സത്താമാത്രം നിർവിശേഷം നിരീഹം സ ത്വം സാക്ഷാദ്വിഷ്ണുരധ്യാത്മദീപഃ.
നഷ്ടേ ലോകേ ദ്വിപരാർധാവസാനേ മഹാഭൂതേഷ്വാദിഭൂതം ഗതേഷു.
വ്യക്തേഽവ്യക്തം കാലവേഗേന യാതേ ഭവാനേകഃ ശിഷ്യതേ ശേഷസഞ്ജ്ഞഃ.
യോഽയം കാലസ്തസ്യ തേഽവ്യക്തബന്ധോശ്ചേഷ്ടാമാഹുശ്ചേഷ്ടതേ യേന വിശ്വം.
നിമേഷാദിർവത്സരാന്തോ മഹീയാംസ്തം ത്വീശാനം ക്ഷേമധാമ പ്രപദ്യേ.
മർത്യോ മൃത്യുവ്യാലഭീതഃ പലായൻസർവാംല്ലോകാന്നിർവൃതിം നാധ്യഗച്ഛത്.
ത്വത്പാദാബ്ജം പാപ്യ യദൃച്ഛയാദ്യ സ്വസ്ഥഃ ശേതേ മൃത്യുരസ്മാദപൈതി.

Ramaswamy Sastry and Vighnesh Ghanapaathi

Other stotras