గోపాల స్తుతి
ನಮೋ ವಿಶ್ವಸ್ವರೂಪಾಯ ವಿಶ್ವಸ್ಥಿತ್ಯಂತಹೇತವೇ.
ವಿಶ್ವೇಶ್ವರಾಯ ವಿಶ್ವಾಯ ಗೋವಿಂದಾಯ ನಮೋ ನಮಃ..
ನಮೋ ವಿಜ್ಞಾನರೂಪಾಯ ಪರಮಾನಂದರೂಪಿಣೇ.
ಕೃಷ್ಣಾಯ ಗೋಪೀನಾಥಾಯ ಗೋವಿಂದಾಯ ನಮೋ ನಮಃ..
ನಮಃ ಕಮಲನೇತ್ರಾಯ ನಮಃ ಕಮಲಮಾಲಿನೇ.
ನಮಃ ಕಮಲನಾಭಾಯ ಕಮಲಾಪತಯೇ ನಮಃ..
ಬರ್ಹಾಪೀಡಾಭಿರಾಮಾಯ ರಾಮಾಯಾಕುಂಠಮೇಧಸೇ.
ರಮಾಮಾನಸಹಂಸಾಯ ಗೋವಿಂದಾಯ ನಮೋ ನಮಃ..
ಕಂಸವಶವಿನಾಶಾಯ ಕೇಶಿಚಾಣೂರಘಾತಿನೇ.
ಕಾಲಿಂದೀಕೂಲಲೀಲಾಯ ಲೋಲಕುಂಡಲಧಾರಿಣೇ..
ವೃಷಭಧ್ವಜ-ವಂದ್ಯಾಯ ಪಾರ್ಥಸಾರಥಯೇ ನಮಃ.
ವೇಣುವಾದನಶೀಲಾಯ ಗೋಪಾಲಾಯಾಹಿಮರ್ದಿನೇ..
ಬಲ್ಲವೀವದನಾಂಭೋಜಮಾಲಿನೇ ನೃತ್ಯಶಾಲಿನೇ.
ನಮಃ ಪ್ರಣತಪಾಲಾಯ ಶ್ರೀಕೃಷ್ಣಾಯ ನಮೋ ನಮಃ..
ನಮಃ ಪಾಪಪ್ರಣಾಶಾಯ ಗೋವರ್ಧನಧರಾಯ ಚ.
ಪೂತನಾಜೀವಿತಾಂತಾಯ ತೃಣಾವರ್ತಾಸುಹಾರಿಣೇ..
ನಿಷ್ಕಲಾಯ ವಿಮೋಹಾಯ ಶುದ್ಧಾಯಾಶುದ್ಧವೈರಿಣೇ.
ಅದ್ವಿತೀಯಾಯ ಮಹತೇ ಶ್ರೀಕೃಷ್ಣಾಯ ನಮೋ ನಮಃ..
ಪ್ರಸೀದ ಪರಮಾನಂದ ಪ್ರಸೀದ ಪರಮೇಶ್ವರ.
ಆಧಿ-ವ್ಯಾಧಿ-ಭುಜಂಗೇನ ದಷ್ಟ ಮಾಮುದ್ಧರ ಪ್ರಭೋ..
ಶ್ರೀಕೃಷ್ಣ ರುಕ್ಮಿಣೀಕಾಂತ ಗೋಪೀಜನಮನೋಹರ.
ಸಂಸಾರಸಾಗರೇ ಮಗ್ನಂ ಮಾಮುದ್ಧರ ಜಗದ್ಗುರೋ..
ಕೇಶವ ಕ್ಲೇಶಹರಣ ನಾರಾಯಣ ಜನಾರ್ದನ.
ಗೋವಿಂದ ಪರಮಾನಂದ ಮಾಂ ಸಮುದ್ಧರ ಮಾಧವ..
Other stotras
