కేశవం కేశిమథనం వాసుకేర్నోగశాయినం .
రాసక్రీడావిలాసాఢ్యం కృష్ణం వందే జగద్గురుం ..
నారాయణం నరహరిం నారదాదిభిరర్చితం .
తారకం భవబంధానాం కృష్ణం వందే జగద్గురుం ..
మాధవం మధురావాసం భూధరోద్ధారకం విభుం .
ఆధారం సర్వభూతానాం కృష్ణం వందే జగద్గురుం ..
గోవిందమిందువదనం శ్రీవంద్యచరణాంబుజం .
నవేందీవరసంకాశం కృష్ణం వందే జగద్గురుం ..
విష్ణుముష్ణీషభూషాఢ్యం జిష్ణుం దానవమర్దనం .
తృష్ణాభయప్రభేత్తారం కృష్ణం వందే జగద్గురుం ..
మధుసూదనం విధినుతం బుధమానసవాసితం .
దధిచోరం మహాభాగం కృష్ణం వందే జగద్గురుం ..
త్రివిక్రమం త్రిలోకేశం వృషాద్యదితిజైర్నుతం .
కవిం పురాణపురుషం కృష్ణం వందే జగద్గురుం ..
వామనం శ్రీమదాకారం కామితార్థఫలప్రదం .
రామానుజం సామలోలం కృష్ణం వందే జగద్గురుం ..
శ్రీధరం శ్రీధరానుతం రాధేయాద్యైర్నుతం హరిం .
రాధావిడంబనాసక్తం కృష్ణం వందే జగద్గురుం ..
హృషీకేశం విషావాసం భిషజం భవరోగిణాం .
తుషారాద్రిసుతావంద్యం కృష్ణం వందే జగద్గురుం ..
పద్మనాభం పద్మనేత్రం పద్మాహృత్పద్మబంభరం .
ఆధ్మాతమురలీలోలం కృష్ణం వందే జగద్గురుం ..
దామోదరం శ్యామలాంగం సోమసూర్యవిలోచనం .
చామీకరాంబరధరం కృష్ణం వందే జగద్గురుం ..
సంకర్షణం వేంకటేశం ఓంకారాకారమవ్యయం .
శంఖచక్రగదాపాణిం కృష్ణం వందే జగద్గురుం ..
వాసుదేవం వ్యాసనుతం భాసురాభరణోజ్జ్వలం .
దాసపోషణసంసక్తం కృష్ణం వందే జగద్గురుం ..
ప్రద్యుమ్నమామ్నాయమయం ఖద్యోతనమయార్చితం .
వైద్యనాథం ప్రపంచాస్యం కృష్ణం వందే జగద్గురుం ..
అనిరుద్ధం ధ్రువనుతం శుద్ధసంకల్పమవ్యయం .
శుద్ధబ్రహ్మానందరూపం కృష్ణం వందే జగద్గురుం ..
నరోత్తమం పురాణేశం మురదానవవైరిణం .
కరుణావరుణావాసం కృష్ణం వందే జగద్గురుం ..
అధోక్షజం సుధాలాపం బువమానసవాసినం .
అధికానుగ్రహం రక్షం కృష్ణం వందే జగద్గురుం ..
నారసింహ దారుణాస్యం క్షీరాంబుధినికేతనం .
వీరాగ్రేసరమానందం కృష్ణం వందే జగద్గురుం ..
అచ్యుతం కచ్ఛపాకారముజ్జ్వలం కుండలోజ్జ్వలం .
సచ్చిదానందరూపం చ కృష్ణం వందే జగద్గురుం ..
జనార్దనం ఘనాకారం సనాతనతమం విభుం .
వినాయకపతిం నాథం కృష్ణం వందే జగద్గురుం ..
ఉపేంద్రమింద్రావరజం కవీంద్రనుతవిగ్రహం .
కవిం పురాణపురుషం కృష్ణం వందే జగద్గురుం ..
హరిం సురాసురనుతం దురాలోకం దురీక్షణం .
పరేశం మురసంహారం కృష్ణం వందే జగద్గురుం ..
శ్రీకృష్ణం గోకులావాసం సాకేతపురవాసినం .
ఆకాశకాలదిగ్రూపం కృష్ణం వందే జగద్గురుం ..
కృష్ణస్తోత్రం చతుర్వింశమేతత్ సన్నామగర్భితం .
యః పఠేత్ ప్రాతరుత్థాయ సర్వపాపైః ప్రముచ్యతే ..
సీతా అష్టోత్తర శతనామావలి
ఓం శ్రీసీతాయై నమః.ఓం శ్రీసీతాయై నమః.ఓం జానక్యై నమః.ఓం దే....
Click here to know more..దారిద్ర్య దహన శివ స్తోత్రం
విశ్వేశ్వరాయ నరకార్ణవతారణాయ కర్ణామృతాయ శశిశేఖరధారణాయ....
Click here to know more..మనస్సు యొక్క శుద్ధి కోసం శ్రీ వెంకటేశుని మంత్రం
నిరంజనాయ విద్మహే నిరాభాసాయ ధీమహి . తన్నో వేంకటేశః ప్రచో....
Click here to know more..