పంచముఖ హనుమాన్ పంచరత్న స్తోత్రం
శ్రీరామపాదసరసీ- రుహభృంగరాజ-
సంసారవార్ధి- పతితోద్ధరణావతార.
దోఃసాధ్యరాజ్యధన- యోషిదదభ్రబుద్ధే
పంచాననేశ మమ దేహి కరావలంబం.
ఆప్రాతరాత్రిశకునాథ- నికేతనాలి-
సంచారకృత్య పటుపాదయుగస్య నిత్యం.
మానాథసేవిజన- సంగమనిష్కృతం నః
పంచాననేశ మమ దేహి కరావలంబం.
షడ్వర్గవైరిసుఖ- కృద్భవదుర్గుహాయా-
మజ్ఞానగాఢతిమిరాతి- భయప్రదాయాం.
కర్మానిలేన వినివేశితదేహధర్తుః
పంచాననేశ మమ దేహి కరావలంబం.
సచ్ఛాస్త్రవార్ధిపరి- మజ్జనశుద్ధచిత్తా-
స్త్వత్పాదపద్మపరి- చింతనమోదసాంద్రాః.
పశ్యంతి నో విషయదూషితమానసం మాం
పంచాననేశ మమ దేహి కరావలంబం.
పంచేంద్రియార్జిత- మహాఖిలపాపకర్మా
శక్తో న భోక్తుమివ దీనజనో దయాలో.
అత్యంతదుష్టమనసో దృఢనష్టదృష్టేః
పంచాననేశ మమ దేహి కరావలంబం.
ఇత్థం శుభం భజకవేంకట- పండితేన
పంచాననస్య రచితం ఖలు పంచరత్నం.
యః పాపఠీతి సతతం పరిశుద్ధభక్త్యా
సంతుష్టిమేతి భగవానఖిలేష్టదాయీ.
Recommended for you
బుధ కవచం
అస్య శ్రీబుధకవచస్తోత్రమంత్రస్య. కశ్యప ఋషిః. అనుష్టుప్ ....
Click here to know more..వేదసార దక్షిణామూర్తి స్తోత్రం
వృతసకలమునీంద్రం చారుహాసం సురేశం వరజలనిధిసంస్థం శాస్త....
Click here to know more..ఆనందం కోసం మంత్రం
సంత్వా సించామి యజుషా ప్రజామాయుర్ధనంచ. రోచనో రోచమానః శో....
Click here to know more..
