చిదానందాకారం శ్రుతిసరససారం సమరసం
నిరాధారాధారం భవజలధిపారం పరగుణం.
రమాగ్రీవాహారం వ్రజవనవిహారం హరనుతం
సదా తం గోవిందం పరమసుఖకందం భజత రే.
మహాంభోధిస్థానం స్థిరచరనిదానం దివిజపం
సుధాధారాపానం విహగపతియానం యమరతం.
మనోజ్ఞం సుజ్ఞానం మునిజననిధానం ధ్రువపదం
సదా తం గోవిందం పరమసుఖకందం భజత రే.
ధియా ధీరైర్ధ్యేయం శ్రవణపుటపేయం యతివరై-
ర్మహావాక్యైర్జ్ఞేయం త్రిభువనవిధేయం విధిపరం.
మనోమానామేయం సపది హృది నేయం నవతనుం
సదా తం గోవిందం పరమసుఖకందం భజత రే.
మహామాయాజాలం విమలవనమాలం మలహరం
సుభాలం గోపాలం నిహతశిశుపాలం శశిముఖం.
కలాతీతం కాలం గతిహతమరాలం మురరిపుం
సదా తం గోవిందం పరమసుఖకందం భజత రే.
నభోబింబస్ఫీతం నిగమగణగీతం సమగతిం
సురౌఘై: సంప్రీతం దితిజవిపరీతం పురిశయం.
గిరాం మార్గాతీతం స్వదితనవనీతం నయకరం
సదా తం గోవిందం పరమసుఖకందం భజత రే.
పరేశం పద్మేశం శివకమలజేశం శివకరం
ద్విజేశం దేవేశం తనుకుటిలకేశం కలిహరం.
ఖగేశం నాగేశం నిఖిలభువనేశం నగధరం
సదా తం గోవిందం పరమసుఖకందం భజత రే.
రమాకాంతం కాంతం భవభయభయాంతం భవసుఖం
దురాశాంతం శాంతం నిఖిలహృది భాంతం భువనపం.
వివాదాంతం దాంతం దనుజనిచయాంతం సుచరితం
సదా తం గోవిందం పరమసుఖకందం భజత రే.
జగజ్జ్యేష్ఠం శ్రేష్ఠం సురపతికనిష్ఠం క్రతుపతిం
బలిష్ఠం భూయిష్ఠం త్రిభువనవరిష్ఠం వరవహం.
స్వనిష్ఠం ధర్మిష్ఠం గురుగుణగరిష్ఠం గురువరం
సదా తం గోవిందం పరమసుఖకందం భజత రే.
గదాపాణేరేతద్దురితదలనం దు:ఖశమనం
విశుద్ధాత్మా స్తోత్రం పఠతి మనుజో యస్తు సతతం.
స భుక్త్వా భోగౌఘం చిరమిహ తతోSపాస్తవృజిన:
పరం విష్ణో: స్థానం వ్రజతి ఖలు వైకుంఠభువనం.
ఆంజనేయ సుప్రభాతం
హనూమన్నంజనాసూనో ప్రాతఃకాలః ప్రవర్తతే | ఉత్తిష్ఠ కరుణామ....
Click here to know more..రామ రక్షా కవచం
అథ శ్రీరామకవచం. అస్య శ్రీరామరక్షాకవచస్య. బుధకౌశికర్షిః....
Click here to know more..కృష్ణ యజుర్వేద రుద్రం
ఓం నమో భగవతే రుద్రాయ నమస్తే రుద్రమన్యవ ఉతోత ఇషవే నమః నమ....
Click here to know more..