కృష్ణ ద్వాదశ నామ స్తోత్రం

కిం తే నామసహస్రేణ విజ్ఞాతేన తవాఽర్జున.
తాని నామాని విజ్ఞాయ నరః పాపైః ప్రముచ్యతే.
ప్రథమం తు హరిం వింద్యాద్ ద్వితీయం కేశవం తథా.
తృతీయం పద్మనాభం చ చతుర్థం వామనం స్మరేత్.
పంచమం వేదగర్భం తు షష్ఠం చ మధుసూదనం.
సప్తమం వాసుదేవం చ వరాహం చాఽష్టమం తథా.
నవమం పుండరీకాక్షం దశమం తు జనార్దనం.
కృష్ణమేకాదశం వింద్యాద్ ద్వాదశం శ్రీధరం తథా.
ఏతాని ద్వాదశ నామాని విష్ణుప్రోక్తే విధీయతే.
సాయం ప్రాతః పఠేన్నిత్యం తస్య పుణ్యఫలం శృణు.
చాంద్రాయణసహస్రాణి కన్యాదానశతాని చ.
అశ్వమేధసహస్రాణి ఫలం ప్రాప్నోత్యసంశయః.
అమాయాం పౌర్ణమాస్యాం చ ద్వాదశ్యాం తు విశేషతః.
ప్రాతఃకాలే పఠేన్నిత్యం సర్వపాపైః ప్రముచ్యతే.

Ramaswamy Sastry and Vighnesh Ghanapaathi

Other stotras