గోకులేశ అష్టక స్తోత్రం
ప్రాణాధికప్రేష్ఠభవజ్జనానాం త్వద్విప్రయోగానలతాపితానాం.
సమస్తసంతాపనివర్తకం యద్రూపం నిజం దర్శయ గోకులేశ.
భవద్వియోగోరగదంశభాజాం ప్రత్యంగముద్యద్విషమూర్చ్ఛితానాం.
సంజీవనం సంప్రతి తావకానాం రూపం నిజం దర్శయ గోకులేశ.
ఆకస్మికత్వద్విరహాంధకార- సంఛాదితాశేషనిదర్శనానాం.
ప్రకాశకం త్వజ్జనలోచనానాం రూపం నిజం దర్శయ గోకులేశ.
స్వమందిరాస్తీర్ణవిచిత్రవర్ణం సుస్పర్శమృద్వాస్తరణే నిషణ్ణం.
పృథూపధానాశ్రితపృష్ఠభాగం రూపం నిజం దర్శయ గోకులేశ.
సందర్శనార్థాగతసర్వలోక- విలోచనాసేచనకం మనోజ్ఞం.
కృపావలోకహితతత్ప్రసాదం రూపం నిజం దర్శయ గోకులేశ.
యత్సర్వదా చర్వితనాగవల్లీరసప్రియం తద్రసరక్తదంతం.
నిజేషు తచ్చర్వితశేషదం చ రూపం నిజం దర్శయ గోకులేశ.
ప్రతిక్షణం గోకులసుందరీణామతృప్తి- మల్లోచనపానపాత్రం.
సమస్తసౌందర్యరసౌఘపూర్ణం రూపం నిజం దర్శయ గోకులేశ.
క్వచిత్క్షణం వైణికదత్తకర్ణం కదాచిదుద్గానకృతావధానం.
సహాసవాచః క్వ చ భాషమాణం రూపం నిజం దర్శయ గోకులేశ.
శ్రీగోకులేశాష్టకమిష్ట- దాతృశ్రద్ధాన్వితో యః పఠితీతి నిత్యం.
పశ్యత్పవశ్యం స తదీయరూపం నిజైకవశ్యం కురుతే చ హృష్టః.
Recommended for you
అర్ధనారీశ్వర స్తోత్రం
చాంపేయగౌరార్ధశరీరకాయై కర్పూరగౌరార్ధశరీరకాయ. ధమ్మల్లి....
Click here to know more..శివ నామావలి అష్టక స్తోత్రం
హే చంద్రచూడ మదనాంతక శూలపాణే స్థాణో గిరీశ గిరిజేశ మహేశ శ....
Click here to know more..శుక్ల యజుర్వేదం యొక్క శ్రీ రుద్రం
Click here to know more..
