Add to Favorites

Other languages: EnglishHindiTamilMalayalamKannada

గోవిందాష్టకం

 

సత్యం జ్ఞానమనంతం నిత్యమనాకాశం పరమాకాశం
గోష్ఠప్రాంగణరింఖణ-
లోలమనాయాసం పరమాయాసం.
మాయాకల్పిత-
నానాకారమనాకారం భువనాకారం
క్ష్మామానాథమనాథం ప్రణమత గోవిందం పరమానందం.
మృత్స్నామత్సీహేతి యశోదాతాడనశైశవసంత్రాసం
వ్యాదితవక్త్రాలోకిత-
లోకాలోకచతుర్దశలోకాలిం.
లోకత్రయపురమూలస్తంభం లోకాలోకమనాలోకం
లోకేశం పరమేశం ప్రణమత గోవిందం పరమానందం.
త్రైవిష్టపరిపువీరఘ్నం క్షితిభారఘ్నం భవరోగఘ్నం
కైవల్యం నవనీతాహారమనాహారం భువానాహారం.
వైమల్యస్ఫుటచేతోవృత్తి-
విశేషాభాసమనాభాసం
శైవం కేవలశాంతం ప్రణమత గోవిందం పరమానందం.
గోపాలం ప్రభులీలావిగ్రహగోపాలం కులగోపాలం
గోపీఖేలనగోవర్ధనధృతి-
లీలాలాలితగోపాలం.
గోభిర్నిగదితగోవింద-
స్ఫుటనామానం బహునామానం
గోధీగోచరదూరం ప్రణమత గోవిందం పరమానందం.
గోపీమండలగోష్ఠీభేదం భేదావస్థమభేదాభం
శశ్వద్గోఖురనిర్ధూతోద్గత-
ధూలీధూసరసౌభాగ్యం.
శ్రద్ధాభక్తిగృహీతానంద-
మచింత్యం చింతితసద్భావం
చింతామణిమహిమానం ప్రణమత గోవిందం పరమానందం.
స్నానవ్యాకులయోషిద్వస్త్ర-
ముపాదాయాగముపారూఢం
వ్యాదిత్సంతీరథ దిగ్వస్త్రా దాతుముపాకర్షంతం తాః.
నిర్ధూతద్వశోకవిమోహం బుద్ధం బుద్ధేరంతఃస్థం
సత్తామాత్రశరీరం ప్రణమత గోవిందం పరమానందం.
కాంతం కారణకారణమాదిమనాదిం కాలఘనాభాసం
కాలిందీగతకాలియశిరసి సునృత్యంతం ముహురత్యంతం.
కాలం కాలకలాతీతం కలితాశేషం కలిదోషఘ్నం
కాలత్రయగతిహేతుం ప్రణమత గోవిందం పరమానందం.
వృందావనభువి వృందారకగణ-
వృందారాధితవంద్యాయా
కుందాభామలమంద-
స్మేరసుధానందం సుమహానందం.
వంద్యాశేషమహామునిమానస-
వంద్యానందపదద్వంద్వం
నంద్యాశేషగుణాబ్ధిం ప్రణమత గోవిందం పరమానందం.
గోవిందాష్టకమేతదధీతే గోవిందార్పితచేతా యః
గోవిందాచ్యుత మాధవ విష్ణో గోకులనాయక కృష్ణేతి.
గోవిందాంఘ్రిసరోజధ్యాన-
సుధాజలధౌతసమస్తాఘో
గోవిందం పరమానందామృత-
మంతఃస్థం స తమభ్యేతి.

 

Ramaswamy Sastry and Vighnesh Ghanapaathi

Recommended for you

Video - Govindashtakam 

 

Govindashtakam by MS Subbulakshmi

 

 

Video - Lord Narayana Bhajans 

 

Lord Narayana Bhajans

 

 

Video - Mahishasura Mardini 

 

Mahishasura Mardini

 

Other stotras

Copyright © 2022 | Vedadhara | All Rights Reserved. | Designed & Developed by Claps and Whistles
| | | | |
Active Visitors:
3338475