కృష్ణ వరద స్తుతి
పరమానందసర్వస్వం పాశుపాల్యపరిష్కృతం
చిరమాస్వాదయంతీ మే జృమ్యతాం చేతసి స్థితిః .
దూరదూరముపారుహ్య పతతామపి చాంతరా
సకృదాక్రందనేనైవ వరదః కరదో భవేత్ ..
మమ చేతసి మాద్యతో మురారేః
మధురస్మేరముపాధ్వమాననేందుం .
కమనీయతనోః కటాక్షలక్ష్మీం
కన్యయాపి ప్రణతేషు కామధేనోః ..
వరదస్య వయం కటాక్షలక్ష్మీం
వరయామః పరమేణ చాపలేన .
సకృదప్యుపగమ్య సమ్ముఖం
సహసా వర్షతి యోషితోఽపి కామం ..
జృంభతాం వో హృదయే జగత్త్త్రయీసుందరాః కటాక్షభరాః .
అంభోదాన్ గగనచరానాహ్వయమానస్య బాలస్య ..
జృంభంతాం వః కరిగిరిజుషః కటాక్షచ్ఛటా విభోర్మనసి .
అంభోధరమధఃకృత్వా హర్షాత్స్వైరం శయానస్య ..
బ్రజజనవనితామదాంధకేలి-
కలహకటాక్షావలక్షవిభ్రమో వః .
విహరతు హృదయే విలాససింధు-
ర్ముహురబిలంగితముగ్ధశైశవశ్రీః ..
వరవితరణకేలిధన్యధన్యా
మధురతరాః కరుణాకటాక్షలక్ష్మ్యాః .
కరిగిరిసుకృతాంకురస్య కస్యా-
భినవవారివహస్య విభ్రతాం వః ..
ఇత్యష్టకం పుష్టరసానుబంధం
వినోదగోష్ఠీసమయే వియుంక్తాం .
వ్రజాంగనానాం కుచయోః కరీంద్ర-
శైలస్య మౌలౌ చ ముహుర్విహర్తా ..
శ్రీకృష్ణలీలాశుకవాఙ్మయీభి-
రేవంవిధాభిర్విబుధాహతాభిః .
పుష్ణంతు ధన్యాః పునరుక్తహర్ష-
మాయూంషి పీయూషతరంగిణీభిః ..
Recommended for you
గణప స్తవం
పాశాంకుశాభయవరాన్ దధానం కంజహస్తయా. పత్న్యాశ్లిష్టం రక్....
Click here to know more..సుదర్శన అష్టక స్తోత్రం
ప్రతిభటశ్రేణిభీషణ వరగుణస్తోమభూషణ. జనిభయస్థానతారణ జగద....
Click here to know more..శ్రేయస్సు కోసం పద్మావతి మంత్రం
హ్రీం పద్మావతి స్వాహా....
Click here to know more..
