కృష్ణ చంద్ర అష్టక స్తోత్రం

మహానీలమేఘాతిభవ్యం సుహాసం శివబ్రహ్మదేవాదిభిః సంస్తుతం చ .
రమామందిరం దేవనందాపదాహం భజే రాధికావల్లభం కృష్ణచంద్రం .. 1..

రసం వేదవేదాంతవేద్యం దురాపం సుగమ్యం తదీయాదిభిర్దానవఘ్నం .
లసత్కుండలం సోమవంశప్రదీపం భజే రాధికావల్లభం కృష్ణచంద్రం .. 2..

యశోదాదిసంలాలితం పూర్ణకామం దృశోరంజనం ప్రాకృతస్థస్వరూపం .
దినాంతే సమాయాంతమేకాంతభక్తైర్భజే రాధికావల్లభం కృష్ణచంద్రం .. 3..

కృపాదృష్టిసంపాతసిక్తస్వకుంజం తదంతఃస్థితస్వీయసమ్యగ్దశాదం .
పునస్తత్ర తైః సత్కృతైకాంతలీలం భజే రాధికావల్లభం కృష్ణచందం .. 4..

గృహే గోపికాభిర్ధృతే చౌర్యకాలే తదక్ష్ణోశ్చ నిక్షిప్య దుగ్ధం చలంతం .
తదా తద్వియోగాదిసంపత్తికారం భజే రాధికావల్లభం కృష్ణచంద్రం .. 5..

చలత్కౌస్తుభవ్యాప్తవక్షఃప్రదేశం మహావైజయంతీలసత్పాదయుగ్మం .
సుకస్తూరికాదీప్తభాలప్రదేశం భజే రాధికావల్లభం కృష్ణచంద్రం .. 6..

గవాం దోహనే దృష్టరాధాముఖాబ్జం తదానీం చ తన్మేలనవ్యగ్రచిత్తం .
సముత్పన్నతన్మానసైకాంతభావం భజే రాధికావల్లభం కృష్ణచంద్రం .. 7..

అదః కృష్ణచంద్రాష్టకం ప్రేమయుక్తః పఠేత్కృష్ణసాన్నిధ్యమాప్నోతి నిత్యం .
కలౌ యః స సంసారదుఃఖాతిరిక్తం ప్రయాత్యేవ విష్ణోః పదం నిర్భయం తత్ .. 8..

Ramaswamy Sastry and Vighnesh Ghanapaathi

Other stotras